Kryetari i Partisë Demokratike, Sali Berisha i bëri thirrje aktoreve të shoqërisë civile në Shqipëri, të bashkohen dhe mobilizohen për të shpëtuar vendin, nga regjimi që ka instaluar qeveria.
Mesazhin, lideri i opozitës, e dha gjatë tryezës, me përfaqësues të shoqërisë civile, të cilët u mblodhën për të diskutuar problemet aktuale me te cilat përballet Shqipëria dhe rezistencën e aktorëve opozitare.
Kryetari i demokratëve, u ndal edhe në 'plagën' e largimeve masive nga vendi, duke e cilësuar shpopullimin si një politikë të qeverisë Rama.
Berisha akuzoi qeverinë se ka shpërfillur interesin e qytetarëve, ndërsa foli edhe për lidhjet e pushtetit me krimin e bandat.
E ftuar në ‘Kafe Shqeto’ në Syri Tv për të folur më shumë në lidhje me këtë takim ishte Ilirjana Kuçana, pedagoge/aktiviste.
Kuçana tregoi ndër të tjera, rëndësinë e këtij takimi, i cili sipas saj është do të pasoj ëmë shumë të tjerë tëq ngjashëm, më synim shpëtimin e vendit.
“Përsa i përket takimit të djeshëm unë mendoj se është një nga takimet më të rëndësishme që i ka ndodhur opozitës. Dje, kishte njerëz qëndrestarë që kanë mbrojtur kauza të rëndësishme, në panel kishte njerëz që i kanë dhënë shumë kësaj shoqërie, të cilët janë bashkuar për t’i dhënë përgjigje pyetjes: Çfarë duhet të bëjmë? Pas një diskutimi prej shumë orësh, siç e keni parë dhe ju, arritëm në përfundimin se duhet të bëjmë protesta, protesta dhe vetëm protesta.
Mendoj se ka ardhur momenti t'i dalim zot këtij vendi. Çdo intelektual, çdo njeri i ndershëm duhet t’i bashkohet kësaj kauze për të shpëtuar Shqipërinë.
Ne, do vazhdojmë me takimet, në vazhdimësi, në mënyrë që të vazhdojmë kauzën tonë”, u shpreh Kuçana.
© SYRI.net