​Atmosfera parazgjedhore e FSHF-së shfaqet tejet e tensionuar dhe shkak për të ndezur situatën bëhet edhe sërish politika. FSHF një nëpërmjet një konference të jashtëzakonshme për shtyp ka hedhur poshtë akuzat ndaj saj për abuzime me fondet dhe ka denoncur skandalet gjatë zgjedhjeve në Elbasan Shijak dhe Tiranë, duke i konsideruar si një tentativën e qeverisë për të uzurpuar futbollin   

Federata Shqiptare e Futbollit zhvilloi këtë të premte një konferencë të jashtëzakonshme për shtyp. E thirrur për të bërë disa saktësime në lidhje me disa akuza të rënda ndaj FSHF-së në këtë kohë fushate.

Erand Ibrahimi, drejtori i Marrëdhënieve me Jashtë dhe Projekteve në FSHF, ka u është përgjigjur me detaje akuzave për abuzime me një fond të FIFA-s prej 1.5 milionë dollarë, ndërsa ka theksuar se FIFA dhe UEFA po vazhgojnë nga afër zgjedhjet, që do të bëhen në Shqipëri për president të FSHF.

“Ne kemi marrëdhënie jo të përditshme, por të përorshme me FIFA-n dhe UEFA-n për deklarime anëtarësh, pamje, indicie të çdo lloj forme që përbëjnë dosjen e zhvillime para zgjedhjeve që e ndajmë me FIFA-n dhe UEFA-n. Mungesa e pranisë fizike të tyre nuk do të thotë qëndrim larg nga zgjedhjet, ndjenje në periferi të procesit”.

Aldi Topçiun, drejtori Juridik dhe i Licencimeve në FSHF, preku disa çështje të nxehta, si skandalet në gjatë zgjedhjeve në shoqatat rajonale në Elbasan, Shijak dhe Tiranë. Ai e konsideroi këtë një tentativë e qeverisë për të uzurpuar futbollin.

“Ata ishin thirrur në zyrën e kryetarit të Bashkisë, të gjithë ata që punonin në arsim, duke u kërcënuar se nëse nuk merrnin vendime sipas udhëzimeve, do të vuanin pasoja me largim nga puna: ata vetë dhe të afërmit e tyre. Kujtdo që i ka vajtur mendja për ta uzurpuar apo çliruar futbollin, varet si e sheh, mesa duket i mungojnë numrat për ta arritur këtë qëllim. Kemi një situatë juridike absurde. Është prodhuar një dokument nga një entitet që nuk është anëtar i FSHF apo i Shoqatës Rajonale Durrës. Nuk e lejon ligji. Ky veprim është në vrazhdën e presioneve politike ndaj anëtarëve tanë. Presioni është më i qartë dhe më i pastër në Tiranë. Anëtarët e Shoqatës Rajonale Tiranë, thirren nëpër zyrat e shtetit dhe Bashkisë ku u bëhet presion dhe be rrufe se, nëse nuk mbështesin kandidatin e tyre të preferuar do të largohen nga puna”.

FSHF-ja u dha përgjigje edhe akuzave të kryetarit të bashkisë Tiranë, Erion Veliajt, në lidhje me mungesën e investimeve në terrene sportive në qytet.