Banorët e ‘5 Majit’ dhe aktivistë kanë protestuar pasditen e të enjtes para Policisë së Tiranës kundër dhunës së ushtruar një ditë më parë nga efektivët e policisë.
Njëra prej të dhunuarave, Nëna Liza, tha se Edi Rama veproi në mënyrë të pabesë me ata.
Ajo theksoi se nuk e kishte menduar se në këtë moshë ajo do të dhunohej nga policia vetëm se mbrojti banesën e saj kundër fadromave të IKMT.
“Erion Veliaj me Edi Ramën na kanë prerë në besë. Ta dijë gjithë populli shqiptar se janë mashtrues dhe mafiozë të vërtetë. 1 mijë policë me 30 vota. Nuk e dija se po merrem me policinë në këtë moshë,” tha ajo, duke shtuar se e kanë marrë zvarrë dhe i kanë grisur edhe xhupin.
© SYRI.net