Kryeministri Edi Rama mblodhi kryesinë e Partisë Socialiste, ndërsa në fokus të takimit, ishin përgatitjet për zgjedhjet pjesshme lokale dhe nisma e këshillimit kombëtar. Në përfundim të mbledhjes, Rama foli për aktualitetin politik, ndërsa kryesia e PD, vendosi shtyrjen e kongresit, për në muajin mars.
Syri Tv
Dekreti i Presidenti Ilir Meta për shpalljen e zgjedhjeve të pjesshme lokale, e vuri menjëherë në lëvizje, Partinë Socialiste.
Kryeministri Edi Rama, mblodhi kryesinë e Partisë Socialiste, duke ndezur zyrtarisht motorët për zgjedhjet në 6 bashki dhe duke kërkuar nga përfaquesit e tij, të fokusohen te nisma për këshillimin kombëtar.
Në përfundim të mbledhjes, megjithëse ende nuk di të thotë, kush do jenë kandidatët e Partisë Socilaliste, Edi Rama e ka të qartë se cilët janë ata, që nuk do të kandidojnë në këtë betejë elektorale.
"PS nuk jep shans të dytë për askënd që e vendos partinë në pozita të vështira, që bën deklaratë të rreme lidhur me jetën, veprimtarinë dhe të gjitha ato aspekte që kanë të bëjnë me pastërtinë e figursë", tha Rama.
Rama iu shmang pyetjes, nëse do të plotësojë kërkesën e presidentit turk Erdogan për të marrë masa ndaj organizatës, FETO, me argumentin se nuk i kanë borxhe njëri - tjetrit.
"Ne nuk i kemi asnjë borxh presidentit të Republikës së Turqisë, sikurse as presidenti i Republikës së Turqisë nuk na ka ne asnjë borxh. Sepse mes miqsh dhe në një miqësi vëllazërore nuk ka borxhe", tha Rama.
Kryeministri mbështeti dhunën policore, ndaj banorëve të 5 majit, duke paralajmëruar se kjo do të ndodhë me të gjithë ata qytetarë që kundërshtojnë shembjet e banesave.
Socialistët vendosën të shtyjnë për në muajin mars, mbledhjen e Kongresit të PS, pas zgjedhjeve të pjesshme lokale.
/ Ambrozia Meta
© SYRI.net