Ilir Meta ka folur në Opinion edhe për vendimin e mazhorancës që e shkarkoi atë përmes një komisioni hetimor për shkelje kushtetuese. 

I pyetur nga Fevziu për vendimin e pritshëm të Gjykatës Kushtetuese, Meta tha se Rama e shkarkoi për intervistën e dhënë te gazetari Çim Peka në emisionin Çim Peka Live në Syri Tv. 

"Për çfarë jam shkarkuar? Që kam dhënë intervistë te Çim Peka. Unë jam shkarkuar pse kam dhënë intervistë te Çim Peka. Është kënaqësi e madhe. Nuk ekziston një çështje e tillë. Ekziston një akuzë pse kam dhënë intervistë te Çim Peka. Kam qenë shumë i qartë dhe konkret, pavarësisht nga ndërhyrjet zhurmuese të Çimit dhe kolegëve të tij, i kërkoj falje Çimit për këtë  çështje, ndërkohë që kam patur 5 mijë gjëra në mendje, sepse 25 prilli ka qenë komplot kundër demokracisë në Shqipëri...", tha Meta.