Meta: Nuk kam ftuar forcat politike për konsultim, Balla i cakton vendin edhe pakicës

Meta: Nuk kam ftuar forcat politike për konsultim, Balla i cakton vendin edhe pakicës

13:18, 19/01/2022
A+ Aa A-

Presidenti Ilir Meta mbajti një deklaratë për mediat pasi Taulant Balla i PS doli nga presidenca. Meta tha se nuk ka pasur asnjë ftesë për forcat politike për zgjedhjet e pjesshme.

“Nuk ka pasur ftesë zyrtare për asnjë forcë politike në vijim të koherencës dhe qartësisë për të cilën jam shprehur unë dhe për të cilën flet i gjithë legjislacioni.

Sigurisht që ka pasur një kërkesë informale, po edhe zyrtare ta quajmë se nuk bë qameti, për një konsultë me kryetarin e shumicës në Kuvend, që është zoti Balla, meqenëse se kemi patur disa dilema për interpretimin e ligjit për datën e zgjedhjeve. Qëllimi im ka qenë që brenda afateve ligjore të jap kohën maksimale prej 45 ditësh.

Prandaj duhet të jepja një sqarim me zotin Balla se çdo ditë më shumë për KQZ-në, do ishte ndihmuese nga ana administrative. Kisha edhe shqetësimin se mos shumica nuk hyn në zgjedhje dhe mora garanci nga zoti Balla që janë të gatshëm për të hyrë në zgjedhje në çdo datë. Me pak fjalë, nuk ka pasur konsultim me partitë. Po të kishte konsultime me partitë, do u bëja ftesë kryetarëve ose në rastin e PS, Sekretarit të Përgjithshëm.

Kam pasur një shqetësim, se mos i bojkotonte shumica zgjedhjet. Opozita nuk mund të ankohet nëse i jep një ditë apo një javë më shumë për të hyrë në zgjedhje,” tha Meta.

“Zoti Taulant është i madhërishëm, përfaqëson i cakton vendin pakicës,” ironizoi Meta.

© SYRI.net

Lexo edhe:

Komentet

Shto koment

Denonco