Presidenti turk Rexhep Taip Erdogan inauguroi sot 522 banesat e rindërtuara pas tërmetit të nëntorit në Laç.
Shtëpitë u financuan nga qeveria turke.
"Sot po i dorëzojmë këto banesa të cilat janë 522 dhe kanë kushtuar 42 milionë dollarë. Që në këto moment dua t’ju uroj të gjithë përfituesve t’i gëzoni këto banesa. Edhe pse Turqia u sprovua gjatë këtij procesi ne arritëm të përmbushim dhe të mbajmë premtimin tonë ndaj shqiptarëve".
Presidenti turk foli për vëllazërinë.
"Ajo që dua të theksoj është parim besimi, shenja e vëllazërisë nuk është të vish kur të thërrasin, por të qëndrosh pranë vëllait tënd kur ai ka nevojë dhe ne tani e tutje do vazhdojmë t’ju qëndrojmë pranë.
Të jesh me vëllain në kohë të mira dhe të vështira është një nga këto vlera të cilat i përmenda pak më lart. Si fryt i këtij solidariteti kaq të fortë vëllazëror kem Spitalin e quajtëm spitali i miqësisë Turi-Shqipëri për të pasqyruar lidhjet e forta mes vendeve tona.
Në këtë spital tashmë janë ekipet e mjekëve dhe infermierëve turq e shqiptarë që punojnë krah për krah në spitalin rajonal të Fierit i cili është ndërtuar brenda 68 ditëve. Sot këtu me këtë ceremoni po e kurorëzojmë akoma më tutje miqësinë mes vendeve tona".
Presidenti përgëzoi të gjithë ata që kontribuuan në realizimin e projektit të rindërtimit, ndërsa njoftoi se kostoja e rindërtimit të 522 banesave është 42 mln euro.
E thënë më konkretisht, kostoja e një apartamenti në Laç arrin në 80 500 euro.
Gjithashtu, në Laç është inauguruar edhe sheshi që do të mbajë emrin e presidentit turk, Erdogan.
Më herët, Erdogan është vlerësuar me dekoratën “Qytetar Nderi i Kurbinit” për kontributin e tij.
© SYRI.net