Gazetari Elkier Bushkolaj ka reaguar me një postim në faqen e tij në facebook ndaj qëndrimeve të disa mediave të majta në lidhje me fjalën që mbjati në “Foltoren” e SHBA, ish kreu i Bashkisë së Matit Skender Lleshi.

Gazetari ka sqaruar me detaje duke hedhur dritë mbi manipulimin e pistë që këto media u kanë bërë fjalëve të tij.

“Nuk merret vesh nëse një grup gazetarësh dhe analistësh kanë shkuar në standardin e avokat Ngjelës, apo avokat Ngjela ka shkuar në standardin e tyre”, shkruan Bushkolaj.

Ja postimi i plotë:

Zotëria që mori fjalën në Foltoren me shqiptarët e Amerikës është Skënder Lleshi, ish Kryetar i Bashkisë Burrel për dy mandate në vitet 200-2011. Mjeku pediatër, Skendër Lleshi, ka qenë një prej kryebashkiakëve më të suksesshëm të Burrelit, teksa prej 2013 ai është zhvendosur familjarisht në SHBA, por pa i shkëputur kurrë lidhjet me vendlindjen. Portalet pranë qeverisë që flasin nga mëngjesi në darke për transparence dhe profesionalizëm e bëjnë emigrant nga Lezha, teksa shkëpusin nga konteksti vetëm një pjesë të fjalës së tij, në kuadër të një lajmi të sajuar nga halli. Nuk merret vesh nëse një grup gazetarësh dhe analistësh kanë shkuar në standardin e avokat Ngjelës, apo avokat Ngjela ka shkuar në standardin e tyre.