Kryetari i zgjedhur i Komunës së Prishtinës, Përparim Rama, ka bërë të ditur se Alban Zogaj do të jetë nënkryetar i kryeqytetit.
“Është një nënkryetar që është i konfirmuar, ai është Alban Zogaj”, ka thënë Rama në Kanal 10.
Gjithashtu Rama nuk e ka komentuar emërimin e mundshëm të Blerand Stavilecit, duke thënë se ka shumë emra të mundshëm të cilët mund të jenë pjesë e ekipit të tij.
Gjatë ditës ka pasur spekulime se Blerand Stavileci do të jetë nënkryetar, por që këto nuk janë konfirmuar nga PDK-ja, partia e Stavilecit.
Përparim Rama ka fituar zgjedhjet lokale në Prishtinë në raundin e dytë kundër kandidatit të VV-së, Arben Vitia.
© SYRI.net