Lulzim Basha ka dhënë një mesazh ngushëllimi për ndarjen nga jeta të Qani Sadikut, të cilin e cilëson si simbol të qëndresës antikomuniste, në një postim në Twitter.
Ish-i përndjekuri Qani Sadiku, një nga qëndrestarët e diktaturës komuniste, u nda nga jeta këtë të martë. Ai është vlerësuar nga presidenti i Republikës Ilir Meta, me titullin “Kalorës i Urdhrit të Skënderbeut” për qëndresën heroike që i ka bërë diktaturës.
Postimi i plotë i Lulzim Bashës:
Me trishtim mora lajmin e ndarjes së parakohshme të z. Qani Sadiku, legjendë e qëndresës antikomuniste brenda dhe jashtë burgut politik të diktaturës.
Ngushëllimet më të ndjera familjarëve, miqve dhe bashkëvuajtësve për këtë humbje. U prehtë në paqe e i paharruar kujtimi i tij!.
© SYRI.net