Ashtu si edhe në çdo vit, edhe në 77-vjetorin e Çlirimit, të parët që mbërritën për të bërë nderime në memorialin 'Nënë Shqipëri' ishin ithtarët e diktatorit Enver Hoxha.

Edhe pse protokolli u kujdes që nderimet të nisnin me krerët e shtetit, ata vendosën që shfaqjen ta realizonin pak metër më larg duke shpalosur dhe pankartat.

Presidenti Ilir Meta dhe kryeministri Edi Rama ashtu si në Ditën e Pavarësisë në Vlorë, mbërritën thuajse në të njëjtën kohë, por dukshëm me një paraqitje të ftohtë duke reflektuar krizën politike.

Disa prej ithtarëve të diktatorit, e pritën Ramën duke e nderuar me grusht. Ai u dha dorën. Ajo që ra në sy ishte se Rama vazhdon të veshë brekushe edhe në këto raste serioze.

"Kur e pa në Vlorë me tuta, Leko tha i brengosur: -Më mirë e kishim lakuriq," ironizon komediani Agim Xhafka.