Deputetja e PD-së Grida Duma, njësoj siç vepronte Enver Hoxha dikur, ka fshirë persona nga fotoja e saj, që asaj nuk i pëlqejnë.

Duma ka fshirë nga fotografia që ka publikuar në rrjetet sociale, “armiqtë” Aldo Bumçi dhe Albana Vokshi.

Bumçi e Vokshi sa duket nuk dëshirohen nga Duma, sepse mbështesin ish-kryeministrin Sali Berisha dhe Foltoren. 

Syri.net sjell foton origjinale dhe atë të retushuar nga deputetja. 

Foto origjinale ku Aldo Bumçi dhe Albana Vokshi duken pas Grida Dumës

Foto e retushuar nga Grida Duma

Ironia është se Grida Duma, në po të njëjtin status, thotë se duhet që të “zhdukim” idhujt. 

Postimi i Grida Dumës:

Gëzuar Pavarësinë e Shqipërisë!
Atdhetarë të ndritur, mendimtarë shqiptarë, shqiptarët jashtë e brenda vendit; janë ndarë në shumëçka por janë bashkuar për shqiptarizmën!
Sot duhet festuar dhe duhet kuptuar!
Atë që na lanë e na trashëguan më të ndriturit e kombit, që sakrifikuan jetën për ta drejtuar anijen e historisë së Shqipërisë me velën drejt perëndimit, lanë amanetin ta prosperojmë më tej.
Të gjithë kemi një detyrë ndaj atdheut, të vegjël a të mëdhenj, atdheu shenjohet në ADN-në tonë.
Na përcakton “çfarë” e “kush” jemi.
Pavarësia e vendit ishte nisja, mbërritja është liria e mendësisë së shqiptarit.
Ka vargonj pushtuesish; ka vargonj nevojash!
Shqiptarët sot varen ende nga vargonjtë e varfërisë.
Pavarësimi i çdo shqiptari nga varfëria, edhe shqiptarit në periferinë më të largët, është detyra jonë!
Çlirimi i çdo shqiptari nga mendësitë e shkuara, të varësisë ndaj autoritarizmit e mentalititetit të një bote të mbyllur me kulte individësh, është misioni.