Pasi skandali u publikua në media, Ministrja e Arsimit reagon për rikthimin në punë të mësuesit pedofil

Pasi skandali u publikua në media, Ministrja e Arsimit reagon për rikthimin në punë të mësuesit pedofil

14:53, 27/11/2021
A+ Aa A-

Ministrja e Arsimit Evis Kushi ka reaguar për skandalin e publikuar në media ku një mësues në Berat edhe pse ishte i dënuar për pedofili dhe ngacmime seksuale të nxëneseve, ishte rikthyer në punë ditët e fundit.

“Për ne mbrojtja e nxënësve është e shenjtë. Nuk tolerojmë askënd që cënon mirëqenien e nxënësve!”, shkruan Kushi në reagimin e saj.

Mësuesi Ëngjëll Bregu edhe pse rezulton i dënuar me burg për pedofili dhe ngacmim seksual ndaj të miturve. 

Reagimi i plotë i Ministrës së Arsimit:

"Dënoj fort rastin e punësimit me kontratë të një mësuesi në Berat, që në vitin 2003 është dënuar nga gjykata për pedofili. Pavarësisht se gjykata nuk ia hoqi të drejtën e rikthimit në detyrë dhe të ushtrimit të profesionit, edhe pse prokuroria e kërkoi një gjë tillë, është e pafalshme që persona të tillë të hyjnë qoftë edhe për një orë të vetme në mjediset e shkollave tona.

Ky person është larguar menjëherë nga detyra dhe ndërkohë kemi nisur një hetim administrativ për të gjetur personin apo personat përgjegjës, që me neglizhencë apo paaftësi, nuk kanë marrë informacionin e duhur dhe kanë lejuar punësimin e tij. Për ta do të merret menjëherë masë ndëshkuese.

Për ne mbrojtja e nxënësve është e shenjtë dhe nuk tolerojmë askënd që cënon mirëqenien e tyre. Ndërkohë, ne në MAS do të rishikojmë menjëherë bazën ligjore dhe nënligjore, për të forcuar rregullat dhe procedurat e punësimit apo shkarkimit të mësuesve, për të mos lejuar që të ndodhin më raste që mund të përbëjnë rrezik për fëmijët tanë.

Ju lutem të gjithëve, prindër, nxënës, mësues, apo përfaqësues të komuniteteve, denonconi cdo rast që cënon, apo dyshoni se rrezikon, të drejtat dhe sigurinë e fëmijëve në shkollë apo jashtë saj", thuhet në reagimin e ministres së Arsimit, Evis Kushi. 

© SYRI.net

Lexo edhe:

Komentet

Shto koment

Denonco