Kreu i të rinjvë të Partisë Demokratikë Belind Këlliçi përmes një postimi në faqen etij në facebook ka bërë publik lajmin se kanë zhvilluar një vizitë në Shqipëri 40 përfaqësues nga Junge ÖVP, Forumi Rinor i Partisë Popullore Austriake, i kryesuar nga kryetarja Claudia Plakolm, njëkohësisht deputete e Parlamentit Austriak.

Ja postimi:

Këto dy ditë patëm kenaqesinë të shoqëronim në Tiranë, Shkodër e Durrës një delegacion me 40 përfaqësues nga Junge ÖVP, Forumi Rinor i Partisë Popullore Austriake, i kryesuar nga kryetarja Claudia Plakolm, njëkohësisht deputete e Parlamentit Austriak.

I njohëm partnerët tanë me realitetin e të rinjve shqiptarë, me largimin masiv dhe sfidat që na presin. Shkëmbyem përvojat tona në punën me të rinjtë dhe diskutuam për çështje të organizimit të aktiviteteve dypalëshe.

FRPD falenderon Junge ÖVP për vizitën dhe përkrahjen e vazhdueshme në përballjet tona politike e qytetare.