Dr. Klodian Muço, ekspert i ekonomisë, lidhur me superskandalin Pandora Papers që po trondit botën, deklaroi se edhe Shqipëria është shumë e prekur nga përdorimi i parajsave fiskale apo kompanive Offshore dhe ka zbuluar emrat e  paku dy prej këtyre kompanive, shumë të njohura për qytetarët shqiptarë, që kanë operuar dhe vazhdojnë në vendin tonë.

I ftuar në Kafe Shqeto nga drejtuesit Dori Daka dhe Flavio Qarri, Dr. Klodian Muço tha se prania e tyre është dëshmi se në Shqipëri ka korrupsion dhe humbësi është shteti shqiptar.

“Në Shqipëri ka dalë shumë në modë, përdorimi i parajsave fiskale apo kompanive Off Shore, mjafton të shikosh se çfarë ndodh me koncensionet në Shqipëri, me tendera publikë kryesisht.

Thelbi është “si mund të fshehim personin që përfiton para dhe personin që eviton taksat?!” Kam përshtypjen se në Shqipëri me tepër se sa për të evituar taksat, se nuk jemi një vend me presion të lartë fiskal, e përdorin kryesisht për fshehjen e emrit.

Aspekti i parë është aspekti i korrupsionit, që tregon se në Shqipëri ka korrupsion. Ne kemi kompani siç është Bankers Petroleum, që thuhet se është kompani kanadeze, por që është në një vend, në Ishujt Kajman, që konsiderohet nën juridiksionin e Kanadasë, por nuk është kompani kanadeze. Është kompani Offshore dhe pronarët real të saj nuk dihen, nuk dihet asnjëherë se kush është përfituesi fundor.

 Apo, deri para disa kohësh kishim në Aeroportin e Rinasit, një aeroport shumë i rëndësishëm, i vetmi në Shqipëri deri para disa kohësh, që funksionte, që ishte përsëri në një kompani Offshore. Dihej që ishte një administrator, por nuk dihej kush fshihej pas këtij administratori apo nuk diheshin kush ishin përfituesit real.

Kemi koncensione pa fund që i janë dhënë kompanive Offshore. Thelbi është: kush humbet?

Humbet shteti, sigurisht, sepse tregon që ka korrupsion, ka diçka që ndodh, sepse një sipërmarrës i caktuar, serioz, një sipërmarrës i ndershëm, nuk ka pse të hapë e të shpenzojë e të kalojë paratë në një vend Offshore, që pastaj e ka relativisht të vështirë t’i kthejë mbrapsht në vend për t’i zhvilluar.

Humbasim në aspektin fiskal; pra komplet fitimet kalojnë në këto parajsa fiskale që normat e fitimit kalojnë  maksimumi 5% apo le të themi përgjithësisht llogariten diku më pak se 50% e mesatares së rajonit. Pra, në qoftë se kemi parajsë fiskale siç është Qiproja në Europë, i bie që taksat në këtë vend të jenë më pak se 50% e mesatares së BE-së!!!! - ilustroi për qartësi, Dr. Muço.

Ndiqni vazhdimin në vidoen e mëposhtme./ar.sh/SYRI.NET

Cili është Dr. Klodian Muço: