Gjykata Kushtetuese rrëzon për herë të dytë Kodin Zgjedhor: rasti 'Debreshi'

Gjykata Kushtetuese rrëzon për herë të dytë Kodin Zgjedhor: rasti 'Debreshi'

09:50, 05/10/2021
A+ Aa A-

Gjykata Kushtetuese ka rrëzuar për herë të dytë Kodin Zgjedhor. Këtë herë Kushtetuesja ka shfuqizuar pragun 1% për kandidatët e pavarur në rastin e Elton Debreshit. 

Minatori Elton Debreshi doli kandidat i pavarur për deputet në zgjedhjet e 25 Prillit dhe kishte dorëzuar në Gjykatën Kushtetuese kërkesën për rrëzimin e pragut kombëtar 1% të një sistemi zgjedhor proporcional rajonal.

Ndaj, Gjykata Kushtetuese dje, më 4 tetor, njoftoi:

"Gjykata Kushtetuese e Republikës së Shqipërisë në seancën plenare publike të datës 28.09.2021 mori në shqyrtim çështjen me kërkues:

Elton Debreshi, subjekt zgjedhor kandidat i propozuar nga zgjedhësit, me objekt: "Shfuqizimi i pikës 1 të nenit 162 të ligjit nr. 10019, datë 29.12.2008 “Kodi Zgjedhor i Republikës së Shqipërisë”, të ndryshuar, si e papajtueshme me Kushtetutën e Republikën e Shqipërisë."

Në përfundim të shqyrtimit të kësaj çështjeje, Gjykata Kushtetuese arriti në përfundimin se pjesa e fjalisë së dytë, të pikës 1, të nenit 162 të Kodit Zgjedhor, që vendos për kandidatët e propozuar nga zgjedhësit, kufizim të njëjtë me atë të kandidatëve të propozuar nga partitë politike ose nga koalicion partish politike, cenon të drejtën kushtetuese për t’u zgjedhur, në lidhje me parimin e barazisë në ligj dhe ndalimit të diskriminimit.

Për këto arsye Gjykata Kushtetuese,

VENDOSI:

Pranimin pjesërisht të kërkesës.

Shfuqizimin, si të papajtueshëm me Kushtetutën, të fjalisë së dytë, të pikës 1, të nenit 162 të Kodit Zgjedhor të ndryshuar, në pjesën që barazon kandidatët e propozuar nga zgjedhësit me kandidatët e propozuar nga partitë politike, ose nga koalicion partish politike.

Image

© SYRI.net

Lexo edhe:

Komentet

Shto koment

Denonco