Kryeministri Edi Rama ka mbërritur në Presidencë për ceremoninë e betimit të kabinetit të tij Rama 3. Ai u prit në hyrje nga Shefi i Kabinetit të Presidentit, Edmond Panariti.
Më herët në selinë e kreut të shtetit kanë shkuar ministrat e rinj si dhe Kryetarja e Kuvendit, Lindita Nikolla, e cila ka kryer më herët betimin.
Përbërja e qeverisë së re u votua mëngjesin e 17 shtatorit në Kuvend, i cili qe mbledhur një ditë më parë në seancë plenare për projektvendimin “Për miratimin e programit politik dhe përbërjes së këshillit të Ministrave”.
Në fund, parlamenti e votoi përbërjen dhe programin qeverisës me 77 vota pro, 52 kundër dhe 1 abstenim.
© SYRI.net