Vazhdojnë protestat e banorëve të Kosovës kundër kryeministrit të Shqipërisë, Edi Rama.

Pasi qytetarët dolën përpara ambasadës shqiptare në Prishtinë, duke e akuzuar Edi Ramën se po tradhton interesat e Kosovës dhe të mbarë shqiptarëve, këtë herë muret janë mbushur me parulla.

Në parulla lexohet: “Unë jam mirë, kur është mirë Serbia”- Edi Rama, një ironi bazuar te shprehja e Isa Boletinit: ”Unë jam mirë, kur është mirë Shqipëria”.

Këto pamje vijnë nga qyteti i Gjilanit.

Kujtojmë se qëndrimi i Ramës për Mini-Shengenin ka shkaktuar revoltë te qytetarët në Kosovës.

Një qytetar i Kosovës madje e quajti Ramën tradhtar, teksa ky i fundit po vizitonte Himarën. Qytetari kosovar tha se u godit nga truprojat e Ramës.