I ftuar në emisionin ‘Ora 19’ me moderatoren Juli Kristafi në SYRI TV, gazetari dhe drejtuesi i Dosja.al, Enton Abilekaj ka komentuar rreziqet që i kanosen Shqipërisë nga 550 milionë euro gjoba në arbitrazh.

Abilekaj: Me këste do shlyen sepse rëndojnë buxhetin e shtetit, por shpresojmë ta arrijmë një marrëveshje me këste. Ne kemi një qeverisje të papërgjegjshme, deri tani ka thënë nuk kemi asnjë detyrim, nuk do paguen ato para, një kryeministër që i deklaronte në fushatë, por kur del ministrja dhe thotë të kundërtën, që duhen paguar, ky kryeministër nuk mban asnjë përgjegjësi. Del kryeministri dhe ministrja me deklarata të kundërta brenda pak muajsh dhe askush nuk mban përgjegjësi. Nuk kemi asnjë njeri që mban përgjegjësi për mashtrimin e njerëzve me deklaratat, pasi të mashtrosh njerëzit mbanë përgjegjësi, ka ndodhur zgjedhje të parakohshme për ata që kanë mashtruar njerëzit.

Dhe pastaj për dëmin që është kryer i cili është paralajmëruar që në mandatin e parë dhe atë dëm do e shlyejmë ne. Një dëm i shkaktuar nga tekat e kryeministrit që do e paguajnë shqiptarët. Ne do paguajmë mbi rreth 100 milion euro, për tekat e Ramës dhe askush nuk thotë asgjë, nuk mbanë njeri përgjegjësi.

Ka çështje që janë në proces për tu humbur edhe çështje të cilat janë humbur në arbitrazh.