Ish-kryeministri Sali Berisha postoi në rrjetin social FB dy foto nga takimet e tij me ish-Sekretarin e Shtetit, Xhejms Bejker (James Baker).

Fotot vijnë në 30-vjetorin e vizitës historike të Baker në Tiranë.

“Miq, ju përshëndes me këto dy foto me mikun e madh të shqiptarëve, Sekretarin Baker. E para në vitin 1991 në Tiranë dhe e dyta në vitin 2013 në Londër,” shkruan Berisha.

30 vjet më parë, Baker mbërriti në Shqipëri me ftesë të Berishës. Vizita e tij u pa si një mbështetje për PD-në.

Ndërkohë në këtë 30-vjetor, ambasada e SHBA shkaktoi zemërim në opinionin publik pasi postoi foto të Bejker me kryeministrin komunist të kohës, duke shmangur fotot e Bejker me mikpritësin Berisha.