Në lidhje të drejtëpërdrejtë me Syri Tv, me gazetaren Armela Ferko, anëtari i Kryesisë së PD, Jamarbër Malltezi, tha ndër të tjera Rama i ka dhënë 5 mijë katror truall Bollinos, duke I hequr një gjimnaz Tiranës, por kjo nuk quhet korrupsion.

‘Janë 5 mijë metra katrorë tokë publike dhe private dhe një gjimnaz që u zhduket qytetarëve të Tiranës që Edi Rama do t’ja dhurojë Karlo Bolinos, dhe kjo qenka ok nuk qenka shkelje. Pra kemi të bëjmë me një degjenerim të principit. Unë pres që në këtë proces të hapur nga unë ata të shpallen fajtorë për shpifje. Sado simbolike të jetë ajo, do jetë simbolika që do ti tregojë të gjithë atyre që paguhen nga Rama dhe Don Agaço, dhe që thonë që Shqipëria ka bërë progres në fushën kundër korrupsionit, kur edhe sot doli ne media që Erion Veliaj po blen 1 milion lekë një biçikletë, që është korrupsion masiv, këro diplomatë të huaj që paguhen nga paratë e korrupsionit, ne do i ndjekim dhe e vërteta nuk do të fshihet.