Në një lidhje direkte në 'A Show' me moderatorin Adi Krasta në SYRI TV, kreu i KQZ Ilirjan Celibashi ka vlerësuar zgjedhjet e 25 prillit brenda ligjit përsa i përket përgjegjësisë së këtij institucioni.

I pyetur nga moderatori Adi Krasta se çfarë qëndrimi mbanë KQZ për sa i përket fenomenit të shit-blerjes së votave, ku Celibashi u bashkua me këtë shqetësim të opozitës dhe kërkoi hetim dhe ndëshkim pëe secilin që ka kryer një krim të tillë.

Krasta: Gjatë gjithë daljeve të tua në publik, vihej re se kishe humbur energjinë e njohur nga të afërmit e tu, kishte një pasivitet, sikur edhe interesi për atë që do ndodhte, mund të ndodhte apo mund të kishte ndodhur. Ky perceptim popullor ishte i saktë apo ndoshta e kemi gabuar gabim, sic kemi kuptuar edhe zgjedhjet ndoshta gabim!

Celibashi: Ndoshta lodhja fizike është refltuar në atë lloj prezantimi por e gjitha ka qënë reflektim i një lodhje fizike dhe pamundësie për të pushuar për një kohë relativisht të gjatë në kuptim të disa ditëve.

Krasta: Si një jurist, që ke punuar në KQZ në dy kohë të ndryshme dhe ndonjëherë ke ditur ta gjeshë fuqinë e madhe për të thënë atë që duhet ndonjëherë. Këto zgjedhje ishin të pranueshme por të padrejta?

Celibashi: Nuk më ka munguar fuqia për ti thënë gjërat sipas vlerësimit tim. Nuk kam qënë i penguar në asnjë rrethanë për të dhënë gjykime dhe vlerësime për gjëra të ndryshme edhe për punën time.

Krasta: Pavarësisht nga rezultati numerik, këto zgjedhje të para në të gjitha këndvështrimet në të gjithë hapësirat mes rregullave dhe procedurave, duket se janë pranuar. Të gjitha partitë përvec ankimeve të cilat nuk do jenë vendimtare sipas perceptimit popullor, zgjedhjet do të konsiderohen të pranueshme.

A ka tagër KQZ që të kosiderojë këto zgjedhje të pranueshme dhe jo të drejta në bazë të problematikat të dallueshme të prekshme?

Celibashi: Gjithë procesi i animimeve është në proces e sipër dhe ngelet për të parë se nga ky shqyrtim cfarë do të rezultojë.

Celibashi: Nuk jam kategorik dhe do isha një llojë ‘Donkishoti’ nëse do them se Shqipëria ëshstë duke zhvilluar apo po realizon një proces zgjedhor të standartit të Danimarkës apo Suedisë. Ligjimiteti këtij procesi nuk i ka munguar. Problematikat do verifikohen se cilat kanë qënë ato, sa qëndrojnë në themel të këtij procesi dhe në fund do themi se a ky proces reflektoi vullnetin e lirë të qytetarëve dhe a ishte gara e ndershme apo jo. Me siguri them që është një proces që është zhvilluar në shinat e ligjit. Të paktën për i përket përgjegjesisë së KQZ ndaj partive politike.

Krasta: A do merret KQZ me shit-blerjen e votës? Ka qënë në masë të madhe në të gjithë territorin e Shqipërisë, ku nga 12 qarqe, në 9 kërkohet rivotimi. Do jetë e prezantuar në ndonjë dokument final të KQZ, është pjesë e shqetësimit tuaj?

Celibashi: Si pretendim është patjetër pjesë e shqetësimit tonë, nuk mund ta injorojmë. Shitja dhe blerja e votës është vepër penale dhe vlerësimi mbi të është prokuroria. Ne si KQZ mbështesim cdo vendim që heton këto raste dhe personi të marrë përgjejgësitë penale. Cdo kush duhet ta nxisi hetimin dhe verifikimin e këtyre rasteve./ A.Z/