Ishte koha kur Shqipëria ishte përfshirë nga protestat pas vrasjes së Klodian Rashës.

Qytetarët protestues kërkonin largimin e ministrit të Brendshëm, Sandër Lleshaj, të cilin çuditërisht Rama e lëshoi lehtas.

Nuk e kishte bërë më herët, kur përplasjet ishin shumë më të forta, por e lëshoi atë ditë dhjetori 2020. Duket se Ramës nuk i duhej më Lleshaj dhe prandaj edhe e largoi.

Por kur protestuesit kërkuan dorëheqjen e kreut të policisë Ardi Veliu, këtë situata u bë serioze. Rama tha se ‘edhe nëse qielli me tokën të bashkohej, ai nuk do të ua jepte Ardi Veliun’.

Shumë i habitën, por pak ja dinin hallin Ramës. Për Ramën, Ardi Veliu është thjeshtë hallka që i mban lidhjet me botën e nëndheshme.

I duhej Ardi Veliu pikërisht për zgjedhje, e pikërisht për një ditë si kjo e sotmja, ku nëse do të kishte një polici profesionale dhe jo politike, i gjithë krimi do të ishte zbardhur dhe të gjithë personat, që nga ata që po blinin vota, e tek ata që qëlluan me armë të parët do ishin në pranga.

Por sot Rama e përdori sërish Ardi Veliun për të ju dërguar mesazh bandave dhe kriminelëve se ishin të lirë të blinin vota, pasi Partia Demokratike nuk do ti ndalonte dot, pasi policia ishte me ta.

Ky është mesazhi i Ramës, ku mbronte Ardi Veliun dhe nuk do ta shkarkonte për asgjë në botë.

Kërkojnë dorëheqjen e Drejtorit të Përgjithshëm të Policisë se ndryshe do djegin e shkatërrojnë? Ta harrojnë! Gabon shumë kush kujton se qytetaria e ministrit të brendshëm është dobësi dhe harron se ky shtet është i qytetarëve jo i barbarëve! Pushteti merret me votë jo me djegie!

Policia e Shtetit as do merret dot peng, as do lëkundet dot nga politika e vjetër e dhunës e nga dhunuesit e nxitur prej saj! Policia e Shtetit nuk është një polic që vrau e që sot është në duart e drejtësisë dhe kush nuk do të respektojë ligjin do përballet me forcën e ligjit!

Ne nuk do të lejojmë askënd që të rrënojë çka është ndërtuar me mund e me punë të madhe dhe Policia e Shtetit është një nga shembujt e ndryshimit, që vazhdon me mundin e shumë njerëzve çdo ditë! Shantazhet dhe dhuna ndaj policisë nuk kanë lidhje as me lirinë as me demokracinë!.