Presidenti Ilir Meta ka reaguar në lidhje me bllokimin me ndihma ushqimore të bllokuar nga Partia Demokratike në qytetin e Beratit.
Furgoni është ndaluar nga përfaqësuesit e opozitës përpara magazinave të zyrave të arsimit të bashkisë Berat dhe është njoftuar policia.
Pas hapjes së derës së furgonit është parë se ai ishte i tejmbush me kuti ushqimore mbi të cilat shkruhej "Ndihma nga Rezervat e shtetit".
Meta përmes një postimi në rrjetin social Facebook shkruan se nuk duhet të tolerohet asnjë veprim që është në kundërshtim me votën e lirë.
“TURP! TURP! TURP!
Hetim urgjent, që tani, për këtë krim të rëndë zgjedhor!
U bëj thirrje SPAK, Prokurorisë, Policisë dhe të gjitha institucioneve ligjzbatuese të nisin pa vonesë hetimet dhe arrestimet!
Duhet të ishte Policia, që sot, të kapte në flagrancë autorët e këtij krimi zgjedhor! Nëse Policia do vazhdojë të flejë gjumë, të jetë e sigurt se populli i Beratit dhe i gjithë Shqipërisë do të jetë syçelët deri më 25 Prill në mbrojtje të demokracisë dhe të shtetit ligjor”, shkruan Presidenti Meta, duke postuar edhe një video.
© SYRI.net