"Voto 9 për ndryshim, Partinë Demokratike" – është thirrja që i ka drejtuar kryetari i PD-së, Lulzim Basha, qytetarëve me anë të një videomesazhi publikuar në rrjetet sociale.

Thirrja shoqëron sot një seri takimesh që Basha do të zhvillojë në disa qytete të vendit brenda ditës së shtunë, kur kanë mbetur edhe fare pak ditë deri më 25 prill, ditën e zgjdhjeve.

Basha paralajmëroi për turin e tij nga Saranda dhe që mbyllet po sot në Tropojë  se “do të jetë një ditë shumë e gjatë por shumë e bukur”, nëpërmjet një videoje. - Ky tur nga jugu në veri, është në fakt një përsëritje brenda një dite e një turi energjie shprese të jashtëzakonshme që kam patur fatin dhe privilegjin të bëj anembanë qyteteve dhe fshatarëve tona gjatë këtij muaji të mbushur me emocion, të mbushur me dëshirë e etje për ndryshim."