Nga Grida Duma. 

Pjesëmarrja në një parti politike të madhe dhe të qenurit të përzgjedhurit brenda është një status. Është një pushtet që nuk ka nevojë as për paranë. Njeriun e paraprin statusi. Statusi kushton, është investim i përjetshëm, është pushteti më i madh që mund t’ju jepet.

Ju jeni në një parti të djathë, jo vetëm se prindërit tuaj besojnë te Partia Demokratike, por jeni në një parti të djathtë se jeni unikë secili. Secili nga ne lind me një “brum” të caktuar njerëzor. Vjen në këtë botë me një ADN që e trashëgon.

Një parti e djathtë është partia e më të fortëve, e individualiteteve që prodhojnë forcë, konkurrencë, ecje përpara. E më pas më i forti që ka dalë nga konkurenca përcakton ndjekësit. E keni vetëm ju në dorë, kjo është provë e suksesit!