Kreu i Vetëvendosjes dhe kryeministri i ardhshëm i Kosovës, Albin Kurti ishte sot në Lezhë në përkujtim të përvjetorit të Besëlidhjes së vitit 1444.

Ai deklaroi nga Lezha në ditën e Besëlidhjes.

“Duhet të ndjekim pishtarin që është mbajtur përgjatë historisë nga brezi në brez në mënyre që populli shqiptar kudo që është të faktorizohet të nxjerrë përfaqësuesit e saj më të mirë e më të devotshëm dhe në këtë mënyrë krizën e shumëfishtë që ka pllakosur ta zëvendësojë me çlirim, me bashkim, me zhvillim dhe përparim të gjithanshëm. Sot këtu tek flamuri kombëtar dhe tek Besëlidhja e Lezhës i përulemi me nderim dhe zotohemi për angazhim të përjetshëm heroit tonë kombëtar Skënderbeut dhe të gjithë luftëtarëve shqiptarë në të gjitha epokat e kombit tonë."