Pasuria e Majkos, si e bleu apartamentin 129 mijë eurosh ministri i Diasporës

Pasuria e Majkos, si e bleu apartamentin 129 mijë eurosh ministri i Diasporës

14:27, 27/01/2021
A+ Aa A-

Ministri i Shtetit për Diasporën, Pandeli Majko deklaron pasuri familjare në vlerën e 19.8 milionë lekëve, por rezulton me burime të pamjaftueshme financiare për të justifikuar shtesën e pasurisë në dy vite të deklarimit.

Nga BIRN

Pandeli Majko ka një karrierë të gjatë politike në Shqipëri, i zgjedhur dy herë si kryeministër dhe për 6 legjislatura si deputet i Partisë Socialiste në Kuvendin e Shqipërisë. Në kabinetin e kryeministrit Edi Rama, Majko u zgjodh ministër Shteti për Diasporën pas zgjedhjeve parlamentare të vitit 2017.

Pandeli Majko ka mbaruar studimet e larta në Fakultetin e Inxhinierisë Mekanike në Universitetin e Tiranës në vitet 1986-1992 si dhe ka kryer studimet për drejtësi në vitet 1994-2000.

Karriera politike e Pandeli Majkos nisi si kryetar i FRESSH në vitet 1992-1995. Ai ka mbajtur dy herë postin e Sekretarit të Përgjithshëm dhe Kryetarit të Grupit Parlamentar të Partisë Socialiste si dhe dy herë postin e ministrit të Mbrojtjes gjatë qeverisjes socialiste.

Z.Majko ka qenë gjithashtu kryetar i Delegacionit shqiptar në Asamblenë Parlamentare të NATO-s si dhe anëtar i Komisionit për Çështjet Ligjore, Administratën Publike dhe të Drejtat e Njeriut.

Ky raport është prodhuar nga BIRN pas administrimit të deklaratave të pasurisë së ministrit Pandeli Majko nga Inspektoriati i Lartë i Deklarimit dhe Kontrollit të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasuritë e anëtarëve apo ish-anëtarëve të Këshillit të Ministrave gjatë viteve 2013-2020.

Në deklaratën e parë të dorëzuar në ILDKPKI në vitin 2003, Pandeli Majko deklaronte pasuri familjare me vlerë 5.7 milionë lekë, ndërsa në fund të vitit 2018 pasuria ka shënuar rritje me 3 herë, duke kapur vlerën e 19.8 milionë lekëve.

Majko zotëron familjarisht pasuri të patundshme me vlerë 15.9 milionë lekë, likujditete bankare prej 2.3 milionë lekësh, kursime në cash prej 950 mijë lekësh dhe një automjet me vlerë 500 mijë lekë.

Të ardhurat familjare për periudhën deklaruese janë 46.4 milionë lekë, nga të cilat 56% kanë si burim pagën e Z. Majko dhe gati 4% pagën e bashkëshortes. Të ardhurat nga dhënia me qira e një apartamenti përbëjnë 36% të totalit, ndërsa 3% të tjera janë siguruar nga shitja e pasurisë së patundshme.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’  që identifikohen gjatë kontrollit. BIRN kreu kontrollin aritmetik/logjik për 15 vite të deklarimit, nga të cilat dy prej deklaratave rezultuan me probleme.

Në vitin 2005, Z. Majko deklaron blerjen e një automjeti me vlerë 6 mijë USD si dhe pagesën vjetore të kësteve të një kredie prej rreth 829 mijë lekësh, pa pasur asnjë të ardhur personale apo familjare për vitin, duke rezultuar me burime të pamjaftueshme financiare prej 1.4 milionë lekësh.

Majko rezulton me burime të pamjaftueshme për të justifikuar shtesën e pasurisë edhe në vitin 2008, kur deklaron një kontratë sipërmarrjeje për blerjen e një apartamenti me çmim 129 mijë euro. Në vitet në vazhdim, deklaruesi jep të dhëna kontradiktore për këstet e paguara dhe detyrimet për apartamentin, të cilat nuk përputhen as në vlerë dhe as në kronologji.

Psh, në vitin 2010, Z. Majko deklaron se kontrata e apartamentit përbëhet nga kësti i parë prej 39,400 euro, kësti i dytë prej 40,000 euro dhe kësti i tretë prej 8000 euro. Në vitin 2011, ai deklaron se ka mbetur si detyrim kësti i tretë prej 16,630 euro, ndërsa në vitin 2012 deklaron se nuk është paguar kësti i tretë prej 42,000 euro.

Përfundimisht në vitin 2018, ai deklaron se kësti i papaguar është 21,600 euro. Bazuar në këto deklarime, Z. Majko rezulton me diferencë negative në vitin 2008 për shtesën e asetit në vlerën e 8.4 milionë lekëve.

© SYRI.net

Lexo edhe:

Komentet

Vendi yne 27/01/2021 20:39

Super hajdut.Ky i pari vuri taksen per ndertimin e rruges se kombit ,takse qe Edhe sot paguhet ne cmimin e naftes.Super i poshter dhe tradhetar.Ky si Duhet me Shqiperise

Meta27/01/2021 18:31

Ky na qenka fukara fare! Po tallni bythen!? Po ky shkerdhata vodhi dynjanje qe kur erdhen kosovaret.....ju kujtohen ndihmat!

Shqiptari27/01/2021 18:07

T'IU SEKUESTROHEN TE GJITHE PARATE E VJEDHURA, PASURITE E BERA ME VJEDHJE DHE KORRUPSION E MASKARALLEQE DHE T'IU KTHEHEN POPULLIT!! KESHTU BEHET DREJTESI PER TE GJITHE! JANE BURGOSUR DHE KANE VRARE VETEN NJEREZ PER 300 KW ENERGJI ELEKTRIKE, PER 3000 LEKE ENERGJI TE PAPAGUAR SEPSE NUK KANE PATUR ASNJE QINDARKE PER T'I PAGUAR SEPSE PARATE UA KANE VJEDHUR MAJKO ME SHOKET E BANDES SE RILINDJES, JANE BURGOSUR FSHATARE PER NJE KOTEC PULASH APO PER NJE KASOLLE LOPE APO DHIE PA LEJE NE PRONEN E TYRE!! PO PER KETA KRIMINELE ORDINERE MILIONERE HAJDUTE E TE PASHPIRT, TE PA MORALE DHE MASHTRUES TE KETE TJETER STANDART GJYKIMI DHE NDESHKIMI??!!! NDERSA AI QE ESHTE BURGOSUR SEPSE KA VJEDHUR 300 KW RRYME ELEKTRIKE APO AI NUK KA PAGUAR FATUREN E ENERGJISE PREJ 3000 LEKESH, E KA BERE SEPSE KA QENE I PAPUNE I LENE NGA QEVERITE E MAJKOS DHE NUK KA PATUR PER TE PAGUAR, QEVERITARET HAJDUTE KANE VJEDHUR POPULLIN FUKARA PER TE BERE MILIARDA!! KETA JANE ME KRIMINELE DHE GJAKATARE SE SA KRIMINELET ORDINERE!! KETA DUHEN NDESHKUAR 2-FISH SE SA KRIMINELET DHE HAJDUTET ORDINERE, TAMAM SIC BEN SHTETI KINEZ PER ZYRTARET E KORRUPTUAR! KERKOJENI NE GOOGLE DHE SHIKOJENI SE CFARE U BEN QEVERIA KINEZE ZYRTAREVE HAJDUTE DHE TE KORRUPTUAR! KERKOJENI NE GOOGLE!

Shqiptari27/01/2021 17:53

MAJKO ESHTE HAJDUTI ME I VOGEL DHE ME DOREMBAJTURI I NARKO-BANDES SE RILINDJES! PARATE KRYESISHT I KA VJEDHUR KUR ISHTE MINISTER I MBROJTJES, SEPSE SI KRYEMINISTER TE HANTE MUTIN, VETEM QESHTE SI NJE FEMIJE I LUMTUR PER "DHURATAT" QE I BERI MATRAPAZI DROGAXHI E PIJANEC NANO, ISHTE VETEM NJE COPE IDIOT DHE BUDALLA. EDHE SI MINISTER MBROJTJEJE TE HANTE MUTIN AI E JO TE BENTE DOT LEKE, POR T'I RROJE SHOFERI QE ISHTE MAFIOZ HAJDUT DHE PLOT TE TJERA... QE I ZIU MAJKO NUK I BENTE DOT! GJITHSESI ATO PARA QE NUK I JUSTIFIKON DOT DUHET T'I SEKUESTROHEN SI NJE HAJDUT I VOGEL E HUNDEDERR, DHE T'I KTHEHEN POPULLIT TE SHKRETE VOTUES!

Qytetari dt 25 janar 202127/01/2021 15:09

Jo vetem Majko por edhe pushtetaret e tjere kane bërë pasuri të medha me karriget e pushtetit..

Shto koment

Denonco