S'kanë as ujë! Tabaku në Zall-Herrin e braktisur nga qeveria: Mundësia juaj, 25 prilli

S'kanë as ujë! Tabaku në Zall-Herrin e braktisur nga qeveria: Mundësia juaj, 25 prilli

12:22, 22/01/2021
A+ Aa A-

Përfaqësuesja e PD, Jorida Tabaku ishte me banorët e Zall - Herrit, ku, megjithëse pak kilometra larg Tiranës, mungojnë rrugët, mungon uji i pijshëm, mungojnë investimet për bujqësinë.

“Është pa vënë dorë nga 2013-a e deri më sot. Këtu kalojnë tre tubacione që furnizojnë Tiranën me ujë të pijshëm dhe Zall- Herri nuk ka ujë të pijshëm. Është një zonë krejt e harruar dhe e lënë pas dore,”- tha i revoltuar një banor, duke theksuar se njerëzit po largohen nga zona për shkak të vështirësive të mëdha për të jetuar.

Largimi i banorëve ka sjellë dhe mbylljen e shkollave, duke detyruar fëmijët të udhëtojnë disa kilometra larg shtëpisë për të shkuar në shkollë.

Jorida Tabaku u shpreh se është e papranueshme përdorimi i njerëzve nga bashkia dhe qeveria vetëm për fushatë elektorale. “Këtu ku duhej të ishte një nga zonat më të mëdha në Tiranë, këtu kalojnë vetëm makinat e gurores. Këtu vetëm i shfrytëzojnë pasuritë natyrore, socialistët, pa pasur asnjë model zhvillimi.

Është fatkeqësi që të jetë një zonë me kaq prodhime bujqësore, të mos ketë një subvencion për bujqësinë. Fshatarët nuk nxjerrin në treg produktet e tyre, sot janë duke mbijetuar me çfarë vjen nga emigracioni, ndërkohë që kjo duhej të ishte një nga zonat që duhej të kishte prioritet zhvillimin për qytetin e Tiranës.

Nuk ka se si të zhvillohen qytetarët kur lekët dhe investimet nuk shkojnë tek qytetari, por për dreka dhe për darka në Dubai. Është modeli i tyre i fasadës që tregojnë dy projekte me ngjyra ndërkohë që shqiptarët këtu janë duke vdekur për bukën e gojës.

Unë besoj se me 25 prill është një mundësi që për banorët e kësaj zone për të treguar që të gjithë shqiptarët janë njësoj, të gjithë duan investime, të gjithë duan arsim nuk dua vetëm fëmijët e politikanëve dhe qeveritarëve arsim ”, tha Tabaku.

© SYRI.net

Lexo edhe:

Komentet

Shto koment

Denonco