Kryetari i AAK-së, Ramush Haradinaj, komentoi në Çim Peka LIVE luftën e UÇK-së.
“Unë jam ftuar në gjykatë si komandant i zonës së Dukagjinit dhe kam marrë pafajësinë. E kam kaluar dy herë Hagën dhe nuk kam frikë. Nuk jam më subjekt i Hagës,” tha ai.
I pyetur nga Peka, ai tha se gjatë luftës është takuar dy ose tre herë me Hashim Thaçin.
“Nuk jam më subjekt i Gjykatës Speciale. Kam kërkuar dhe do të kërkoj zbardhjen e vrasjeve të luftës. Nuk mund ta hedh poshtë UÇK-në për inat të individëve,” tha Haradinaj.
“Për mua, luftëtari i UÇK-së është engjëlli i shqiptarëve. Ai është i shenjtë. U bëj thirrje të gjithë shqiptarëve që të respektojnë luftën e UÇK-së, vlerën sublime të lirisë,” tha Haradinaj.
“UÇK-ja ka qenë edhe e LDK-së. Pra nuk ka pasur një përkatësi politike në UÇK,” theksoi Haradinaj.
© SYRI.net