Kryeministri Edi Rama do mbahet mend për sulmet e tij ndaj medias, të cilat nuk u përqendruan vetëm në intimidimin apo mbylljen e tyre, si në rastin e Agon Channel.

Ai jo vetëm i sulmon në emisionet televizive, por edhe i përqesh dhe i imiton në mënyrë skandaloze.

Rama këtë bëri edhe dje në “Open” teksa u përball me Agron Gjekmarkaj dhe Robert Rakipllari. Ai refuzoi totalisht t’i përgjigjej këtij të dytit lidhur me pyetjet për darkën e ministrave në Dubai, ndërsa u mundua ta ironizojë të parin duke e thirrur herë “padre” për besimin e tij katolik dhe herë “profesor” për profesionin e tij.

Por të enjten në mbrëmje Edi Rama theu edhe një rekord tjetër bulizmi kur luajti rolin e kllounit imitues duke përqeshur fjalinë e Gjekmarkajt.