Në mënyrë skandaloze u nis, në mënyrë qesharake u bitis.

Kryebashkiaku monist, rilindasi i Kukësit Safet Gjici udhëhoqi një nismë që Këshilli i Qarkut t’ia hiqte titullin e Qytetarit të Nderit publicistit të njohur kosovar, Veton Surroi.

Pasi lajmi tronditi opinionin publik në Shqipëri e Kosovë, kryeministri Edi Rama reagoi dhe e quajti një turp. Ai tha se ‘rilindasit’ e tij kanë pësuar një lajthitje kolektive, edhe pse këtë lajthitje kolektive me tone nacionaliste e ka nxitur vetë i pari.

I zbythur, kryebashkiaku Gjici kërkoi falje dhe tha se nuk e kishte menduar gjatë.

Ndërkohë sot, prefekti i Kukësit Zenel Kuçana tha se Surroit nuk do i hiqet titulli. Ai tha se nuk ka vendosur të konfirmojë vendimin e Këshillit të Qarkut.

Publicisti Surroi reagoi për SYRI TV, duke deklaruar se e shqetëson niveli mendor i Safet Gjicit dhe mendësia diktatoriale që ekziston në PS.