Eksperti i Shëndetësisë në PD,Gazment Koduzi ka replikuar së fundmi me Ministren e Shëndetësisë, Manastirliu, pasi kjo e fundit iu përgjigj Bashës për menaxhimin e pandemisë nga qeveria.
‘Manastirliu gënjen në çdo fjalë që thotë pasi qeveria e ka kthyer mashtrimin ndaj qytetarëve në mjet kryesor komunikimi, dhe ministrja është kampione në këtë fushë sigurisht, pas Edi Ramës’ është shprehur Koduzi.
Sipas eksperti të Shëndetësisë, Shqipëria është e fundit në rajon për testimet, mungesën e masave personale mbrojtëse për punonjësit e sistemit shëndetësor, si dhe që për 7 vite Rama as u kujtua të rrisë pagat në shëndetësi.
Gjithashtu Koduzi thotë se plani me 5 pika që prezantoi dhe propozoi sot kreu i PD, Lulzim Basha është serioz dhe konkret.
Postimi i plotë i Gazment Koduzit:
Qeveria e ka kthyer mashtrimin e qytetarëve në mjetin kryesor të komunikimit. Ogerta Manastirliu është kampione në këtë fushë, sigurisht, pas Edi Ramës. Plani me 5 pika për përballimin e krizës nga pandemia, i prezantuar nga Kryetari Basha sot, është serioz dhe konkret. Ogerta Manastirliu gënjen në çdo fjalë që thotë.
© SYRI.net