Meta: Shkatërrimi i Teatrit, i vlerave arkeologjike në Durrës, akte barbarie të pushtetit! Koha për drejtësi!

Meta: Shkatërrimi i Teatrit, i vlerave arkeologjike në Durrës, akte barbarie të pushtetit! Koha për drejtësi!

09:45, 29/09/2020
A+ Aa A-

Nga Ilir Meta.

Akti taleban i shembjes së Teatrit Kombëtar, shkatërrimi i shumë vlerave unikale arkeologjike në Durrës dhe dëmtimi i disa monumenteve në mbarë vendin janë dëshmitë ulëritëse më të freskëta se si arroganca, korrupsioni dhe papërgjegjshmëria e një pushteti mund të sjellë dëme të pariparueshme për trashëgiminë tonë kombëtare e kulturore, pjesë e trashëgimisë europiane.

Të gjitha këto krime të rënda kushtetuese, ligjore dhe morale, të konsumuara veçanërisht në Tiranë dhe Durrës ku dëmet kanë qenë të jashtëzakonshme, do të jenë të paamnistueshme!

Sepse këto akte barbarie, për më tepër të kryera nga institucionet shtetërore, janë sulme të drejtpërdrejta ndaj identitetit tonë kombëtar.

Ndaj sot në Ditën Kombëtare të Trashëgimisë Kulturore i garantoj të gjithë shqiptarët se gjithçka është mbajtur shënim dhe askush nuk ka për t’i shpëtuar Drejtësisë!

Duke kujtuar Profesor Paolo Vittin i cili me të drejtë thotë se : “Europa nuk është vetëm euro, por edhe kulturë, solidaritet, humanizëm dhe identitet”, risjell edhe njëherë në vëmendje qëndrimin e “Europa Nostra” në lidhje me shembjen e Teatrit Kombëtar: "Le të jetë kjo ngjarje e mjerueshme ajo që do të shënojë fillimin e një zgjimi të vërtetë të shoqërisë civile në Shqipëri të udhëhequr nga artistë dhe intelektualë".

Barbaria dhe talebanizmi nuk kanë vend në shoqërinë tonë!

Koha për drejtësi!

© SYRI.net

Lexo edhe:

Komentet

Noni29/09/2020 13:13

Shqiptare , o shqiptare !, ne pritshmeri te dites per kete drejtesi , lubia e mafies rilindase do te kene zhdukur Jo vetem trashegimin kombetare e kulturore , por krejt egzistencen si komb.

Shto koment

Denonco