Rudina Hajdarit, deputete dhe anëtare e NismësThurje, ka deklaruar sot se mbështet draftin e opozitës së Bashkuar për hapjen e vërtetë 100% të listave të deputetëve.

Me një qëndrim të saj, Hajdari shprehet ky propozim i opozitës i shkon për shtat dhe atij të bërë nga deputetët e emëruar në Kuvend.

Reagimi i Rudina Hajdarit:

Të nderuar anëtarë të Këshillit Politik,

Me kënaqësi konstatova se Partia Demokratike ka dorëzuar pranë Këshillit Politik një draft propozim për amendamentet e Kodit Zgjedhor, propozim ky i cili shkon përkrah atij të opozitës parlamentare e që synon hapjen reale të listave 100% duke ia mundësuar qytetarit e jo më kryetarit përzgjedhjen e deputetëve në Parlamentin e ardhshëm.

Duke qenë se tashmë të gjitha palët i kanë depozituar propozimet e tyre lidhur me këtë çështje, propozoj të takohemi nesër në orën 12:00 për të diskutuar dhe mundësisht dakordësuar rreth kësaj çështjeje.

Sytë e shqiptarëve janë nga përfaqësuesit e tyre politikë dhe ata sot kërkojnë një reformë zgjedhore e cila pikë së pari të rikthejë sovranitetin te populli nëpërmjet mekanizmit të hapjes së listave.

Le të bëhemi bashkë dhe ta përfaqësojmë këtë vullnet qytetar, duke e miratuar me konsensus hapjen reale të listave për zgjedhjet e ardhshme.

Duke uruar në një përgjigje pozitive,

Me respekt,

Rudina Hajdari