Luigi Soreca, Ambasadori i BE-së në Tiranë ka zhvilluar një takim sot me Kryetaren e Këshillit të Lartë Gjyqësor, Naureda Llagamin, takim në të cilin e ka vënë theksin në plotësimin e vendeve bosh në Gjykatën e Lartë.

"Takova sot Kryetaren e Këshillit të Lartë Gjyqësor Naureda Llagami, - shkroi Soreca në rrjetet sociale. -  Këshilli luan rol kryesor në sistemin e ri gjyqësor shqiptar. Plotësimi i pozicioneve të mbetura të Gjykatës së Lartë mbetet përparësi kryesore. BE mbështet Këshillin në përpjekjet e tij për të rritur pavarësinë dhe efikasitetin e sistemit gjyqësor shqiptar," përfundon mesazhin e tij Ambasadori i BE-së Luigi Soreca.