Ministri i Brendshëm ‘kërcënon’ Kurtin: Je frikacak, filloje njëherë luftën me ...

Ministri i Brendshëm ‘kërcënon’ Kurtin: Je frikacak, filloje njëherë luftën me ...

19:29, 19/09/2020
A+ Aa A-

Ministri i brendshëm, Agim Veliu, i ka bërë thirrje ish-Kryeministrit Albin Kurtit që t’ia fillojë luftën ndaj kriminelëve të Vetëvendosjes në Prishtinë. Këtë qëndrim Veliu e ka thënë pasi ish-Kryeministri tha se koka e krimit është në Prishtinë ndërsa bishti në Karaçevë, kur komentoi aksionin e mbrëmshëm të policisë ku u arrestuan 35 persona.

 ‘Le t’ia fillojë ai në Prishtinë prej partisë së vet, ata që i ka kriminela që janë marrë me krime le t’i fillojë atje pastaj ne e ndjekim pasi qenka kështu’, ka thënë Veliu, në një prononcim për klankosova. Veliu e quajti Kurtin ‘mashtrues tipik’ që tenton të ‘mashtrojë opinonin publik’.

Ka dhënë edhe detaje se si ka shkuar në zyrën e Kurtit i cili si Kryeministër kishte refuzuar të autorizonte aksionin në Karaçevë.

 ‘Kam shkuar dhe ia kam dërguar kërkesën. Çdo gjë do të thotë ka qenë e përgatitur mirë edhe është pritur vetëm një miratim i tij si kryeministër. Unë e kam njoftuar, por ai nuk ka pasë guxim që të lejojë autorizimin për të zhvilluar aksionin sikurse që u bë mbrëmë’. I pyetur se pse Kurti thotë për të se nuk ka pasë guxim, ai tha se nuk e di për këtë dhe se duhet të pyetet i pari i LVV-së.

 ‘Unë e kam vlerësuar atë si frikacak, ai vetëm manipulon me opinionin me teza populiste qysh e ka ai zakon. Ai u pa gjatë asaj periudhe sa ka qeverisë se nuk ka pasë guxim me asnjë punë konkrete vetëm me manipulime të këtij lloji’.

Kurti gjatë konferencës për media kishte thënë se krejt çka ka mundur Veliu t’i thoshte atij për aksionin ishte se atë e ka siguruar Miradie Kelmendi, kryeshefe e inspektoratit policor, se gjithçka do të shkonte në rregull.

 ‘Pra as kjo nuk ishte me shkrim, as garancioni i Miradisë nuk ishte me shkrim, ishte gojarisht’, ka thënë Kurti. I pari i MPB-së theksoi se kjo nuk qëndron dhe se Kurtin e ka siguruar për çdo gjë.

 ‘Ajo nuk qëndron sepse unë e kam i siguruar, i kam dhënë siguri që çdo gjë është e planifikuar mirë, e përgatitur mirë dhe e koordinuar mirë edhe me faktorin tjetër të nevojshëm. Çdo gjë ka qenë e përgatitur për mrekulli sikurse mbrëmë që nuk ndodhi asnjë incident, edhe më i vogli’.

 ‘Çdo gjë ka qenë e përgatitur dhe e kryer mirë. Mirëpo, tash ai gjen arsyetime se sigurisht i paska dhimtë që është kryer aksioni shumë mirë’. Nënkryetari i LDK-së, e komentoi edhe deklaratën tjetër të Kurtit sipas së cilës ‘bishti i krimit është në Karaçevë dhe koka në Prishtinë’.

© SYRI.net

Lexo edhe:

Komentet

Shto koment

Denonco