Dje mori detyrën e Ministres së Arsimit, studiuesi i nxjerr plagjiaturën Evis Kushit

Dje mori detyrën e Ministres së Arsimit, studiuesi i nxjerr plagjiaturën Evis Kushit

09:49, 15/09/2020

Ditën e djeshme, deputetja e Partisë Socialiste Evis Kushi, mori detyrën e Ministres së Arsimit.

Por studiuesi Vladimir Kola ka zbuluar se Kushi është bashkëpunëtore me artikull shkencor me 70% plagjiaturë.

Përmes një postimi në Facebook, Kola shkruan se nga studimi i tij në internet rezulton se 70% të artikullit shkencor me titull “Political transition, Corruption and income inequality in new democracies" është kopjuar nga një artikull tjetër.

Ky artikull sipas tij, me autore ministren e re Evis Kushi, është paraqitur në në Fakultetin e Ekonomisë, në Podgoricë, Mal i Zi, më 20-22 maj 2010.

Postimi i studiuesit Kola në Facebook

Ministrja e re e Arsimit, Evis Kushi (caku), si bashkëautore, me artikull shkencor 70% plagjiaturë (të kopjuar)

Natyrisht nuk mund t’i mohohet znj. Evis Kushi (Caku) Doktoratura në Staffordshire University (Mbretëri e Bashkuar) dhe shkrimet e tjera shkencore, por nga kontrolli im në internet rezulton se 70% të artikullit shkencor me titull “Political transition , Corruption and income inequality in neë democracies. Special case Albania”, i vitit 2010, me autore Marsida Ashiku dhe Evis Kushi, është kopjuar nga një tjetër artikull shkencor me titull “Political Transition, Corruption, and Income Inequality in Third-ëave Democracies”, i vitit 2007, me autor Eric Chang.

Artikulli shkencor i kopjuar me titull “Political transition , Corruption and income inequality in neë democracies. Special case Albania”, me autore Marsida Ashiku dhe Evis Kushi, është paraqitur nga autoret në një konferencë shkencore me titull <<6th International Conference of ASECU, “Economic development, tax system and income distribution in the countries of Southern and Eastern Europe”>> që është mbajtur në Fakultetin e Ekonomisë, në Podgoricë, Mal i Zi, më 20-22 maj 2010.

Nuk përjashtohet mundësia që artikulli “Political transition , Corruption and income inequality in neë democracies. Special case Albania”, të jetë përdorur nga autoret (apo nga njëra autore), si një ndër shkrimet shkencore, për të marrë tituj akademikë si Profesor i Asocuar ose Profesor.

Artikulli shkencor i kopjuar me titull “Political transition , Corruption and income inequality in neë democracies. Special case Albania”, i vitit 2010, me autore Marsida Ashiku dhe Evis Kushi, gjendet i plotë në internet dhe mund të konsultohet lirisht, në këtë adresë (te dokumenti PDF shih faqet 21-36):

Artikulli shkencor origjinal me titull “Political Transition, Corruption, and Income Inequality in Third-ëave Democracies”, i vitit 2007, me autor Eric Chang, gjendet i plotë në internet dhe mund të konsultohet lirisht, në këtë adresë:

Në artikullin “Political transition , Corruption and income inequality in neë democracies. Special case Albania”, 2010, me autore Marsida Ashiku dhe Evis Kushi, janë kopjuar nga artikulli origjinal teksti dhe referencat (burimet e tjera shkencore). Madje, është edhe interesante të vihet në dukje se disa vlera numerike në përqindje, që gjenden në artikullin origjinal (2007, faqja 13) për shtete të ndryshme të Azisë, në lidhje me perceptimin e pabarazisë, janë paraqitur të njëjta si vlera në artikullin e kopjuar (2010, faqja 34) për ca qytete të Shqipërisë. Pra, në artikullin e kopjuar, thjesht janë hequr shtetet e Azisë dhe në vend të tyre janë vendosur ca qytete të Shqipërisë, por vlerat numerike, në lidhje me perceptimin e pabarazisë, janë të njëjta në artikullin e vitit 2007 (shtete të Azisë) dhe 2010 (qytete të Shqipërisë). Edhe konkluzionet, në artikullin e vitit 2010 janë të njëjta me konkluzionet e artikullit të vitit 2007.

Te bibliografia e artikullit të kopjuar “Political transition , Corruption and income inequality in neë democracies. Special case Albania”, 2010, është vendosur “Political corruption and income inequality in third ëaves democracy, Eric Chang” (shih faqen 35 te dokumenti PDF), por siç mund të vihet re titulli i artikulli origjinal është shënuar i pasaktë dhe pasaktësia duhet të jetë e qëllimshme, për të mos zbuluar burimin origjinal për lexuesin, duke pasur parasysh edhe faktin se titulli i saktë i artikullit origjinal dhe titulli i artikullit të kopjuar, janë pothuajse të njëjtë.

Gjithsesi, edhe sikur te bibliografia e artikullit “Political transition , Corruption and income inequality in neë democracies. Special case Albania”, 2010, të ishte vendosur titulli i saktë i artikullit origjinal (shih faqen 35 te dokumenti PDF), “Eric Chang, 2007, Political Transition, Corruption, and Income Inequality in Third-ëave Democracies”, do të mbetej fakti se nga artikulli origjinal i vitit 2007 me autor Eric Chang, është kopjuar 70% në artikullin e vitit 2010 me autore Marsida Ashiku dhe Evis Kushi.

Më poshtë, po vendos në formë fotoje, krahasimin e një pjese të teksteve të kopjuara.

© Vladimir Kola

Fotot e publikura nga studiuesi Kola ku bën krahasimin e tekseve të kopjuara

ImageImageImageImageImageImageImageImageImage

 

Image

© SYRI.net

Lexo edhe:

Komentet

Gimi15/09/2020 15:49

Ku do ti gjejë intelektualët e vërtete kush i afrohet,vetëm mashtrusit, gënjeshtarët,hajdutët e kriminelët.Tradita vazhdon.E ka trashëgim nga partitë mëmë Pk dhe Pp.

Shqiptari15/09/2020 13:55

AMAN!!! JU LUTEM! VETEM SOCIALISTE MOS I QUANI KËTA/KËTO BANDITET E SEKTIT TË RILINDJES!!! KËTA NUK KANË ASNJË LIDHJE ME PARTINË SOCIALISTE!! KRITERIN E PARË DHE TË VETMIN KËTA BANDITË TË BANDËS NARKO-MAFIOZE RILINDJA KANË HAJDUTLLËKUN, IMORALITETIN, MASHTRIMIN DHE BATAKÇILLËKUN!!! KËTA JANË HAJDUTË DHE MASHTUES TË ÇDO NIVELI DHE RANGU SHOQËROR!!!

ministri15/09/2020 11:49

Ooooo.... kur ta marrin vesht bota unë jam ba ministre!

cak15/09/2020 10:18

Ja ndolli Rama këtë plagjiaturën ministres së tij të re të arsimit. Në një takim që bëri dje me Shahinin e në ikje e ministren e re Kushi, për këtë u shpreh se "uroj që të mos i dalin edhe kësaj ministreje plagjiatura" Dhe i doli fjala.

Shto koment

Denonco