Rama i ftoi të votonin Gjukanoviçin, Basha - shqiptarëve të Malit të Zi: Votoni partitë shqiptare

Rama i ftoi të votonin Gjukanoviçin, Basha - shqiptarëve të Malit të Zi: Votoni partitë shqiptare

14:48, 26/08/2020
A+ Aa A-

Kryetari i PD-së, Lulzim Basha, iu ka bërë thirrje sot shqiptarëve në Malin e Zi që të dalin masivisht në zgjedhjet parlamentare të 30 gushtit dhe të votojnë partitë shqiptare.

Thirrja e fortë e Bashës ka ardhur pasi Kryeministri i Shqipërisë, Edi Rama, në një mesazh publik, u ka bërë thirrje shqiptarëve atje që të votojnë Milo Gjukanoviçin.

Në mesazhin e tij, kreu i opozitës shqiptare, Lulzim Basha, argumentoi dhe theksoi me forcë rëndësinë e votës për partitë shqiptare:  

"Ju bëj thirrje bashkëkombësve tanë në Mal të Zi që të dalin masivisht në zgjedhjet parlamentare të 30 gushtit dhe të votojnë listat shqiptare.

Të dashur motra dhe vëllezër, nëpërmjet votës tuaj për partitë shqiptare, ju mund të siguroni mbrojtjen e të drejtave dhe interesave tuaja dhe të garantoni një të ardhme më të mirë për fëmijët tuaj.

Ne krenohemi me faktin që shqiptarët në Mal të Zi kanë luajtur rol kyç në arritjen e pavarësisë së Malit të Zi dhe në përmbushjen e aspiratës së anëtarësimit në NATO.

Jam i bindur që faktori politik shqiptar do të vazhdojë që në mënyrë konstruktive të japë kontribut të çmuar në përshpejtimin e integrimit europian të Malit të Zi.

Forcimi i përfaqësimit të partive shqiptare në parlament, është një kontribut i shtuar për paqen dhe stabilitetin në vend, për garantimin e të drejtave të shqiptarëve në Mal të Zi dhe për integrimin europian të vendit dhe mbarë rajonit," ka përfunduar Lulzim Basha.


 

© SYRI.net

Lexo edhe:

Tags

Komentet

t26/08/2020 16:13

Vetem nje Avni Rustem iri e shpeton shqiperine

Shto koment

Denonco