Ish-Kryeministri Sali Berisha i është kundërpërgjigjur me fakte, pretendimeve të fundit ironike të kreut të qeverisë Edi Rama, sipas të cilit “të gjitha investimet tona publike, qoftë në rrugët kombëtare e qoftë në ato rurale, bazohen në standarte europiane sipas kategorive të tyre dhe kryhen mbi bazë projektesh e me një cilësi që s'ka të krahasuar me kohën e "rrugëve të lëna rrugëve".

Por, Berisha ka përmbledhur në një video, një panoramë të infrastrukturës së re rrugore që fitoi vendi në vitet e qeverisjes së Partisë Demokratike: në total 11 mijë km rrugë të reja përkundër 22 km të vetme që ka ndërtuar qeveria Rama në të dy mandatet e saj.

Berisha komentoi: “Nga mbi 11 000 km rrugë në tetë vitet 2005 - 2013, në vetëm 22 km rrugë në shtatë vitet 2013 - 2020 nga Edvin PPP”, shkroi ai në Fb dhe ftoi mijëra ndjekësit e tij të shikojnë të vërtetën: "Sipas dëshirës, mund të ndiqni videon e mëposhtme”.