Presidenti Meta ka përshendetur vendimin e qeverisë italiane për të njohur arbërishten si gjuhë të pakicave në rajonin e Abrucos.
‘Me kënaqësi të madhe mora vesh lajmin se Këshilli Rajonal i Abrucos votoi sot njohjen e arbërishtes si gjuhë zyrtare të pakicave në këtë rajon të Italisë.
Mirënjohje Kryetarit të Bashkisë Arbëreshe të Villa Badessa, z.Simone Ballozo që inkurajoi dhe mbështeti konkretizimin e këtij vendimi tepër të rëndësishëm, që i forcon edhe më shumë marrëdhëniet e shkëlqyera të Shqipërisë me Italinë.
Është me rëndësi që trashëgimia e jashtëzakonshme kulturore arbëreshe, kjo pasuri e përbashkët e dy vendeve dhe popujve tanë, të mbrohet dhe promovohet.
Gjuha arbëreshe që flitet prej shekujsh duhet të vazhdojë të jetojë, ndaj ne mirëpresimin njohjen e saj si gjuhë zyrtare të pakicave edhe në rajonet e tjera të Italisë ku jetojnë arbëreshët.’
© SYRI.net
O Ilir si nuk e the nje fjale per camet dhe arvanitasit qe banojne ne Greqi dhe nuk kane asnje te drejte ? Ne kushtetute shkruhet : "...me aspiraten shekullore te popullit shqiptar per identitetin dhe bashkimin kombetar... " Je betuar duke vene doren mbi Kushtetute. ZBATOJE !