Mbi 147 mln euro militantëve/ PD: Nuk jemi të varfër, por jemi të vjedhur nga Rama

Mbi 147 mln euro militantëve/ PD: Nuk jemi të varfër, por jemi të vjedhur nga Rama

12:03, 12/08/2020

Nuk jemi të varfër, por jemi të vjedhur. Më taksat e rritura shqiptarëve,Edi Rama paguan oligarkët 120 milionë euro koncensione në vit; paguan dhe militantët me 147 milionë euro të tjera. Ky qe thelbi i deklaratës për shtyp që dha nga selia e PD, znj. Dhurata Çupi.

Sipas Çupit: “Shqipëria po vuan sot pasojat e keqqeverisjes nga Edi Rama. Kryeministri në ikje nuk ka menduar të investojë për shëndetësinë, për arsimin, për hapjen e vendeve të reja të punës, por për të blerë vota me paratë e taksapaguesve shqiptarë.

Sot, vendi është më keq, - vazhdoi ish-deputetja demokrate. - Qeveria nuk jep para për biznesin e vogël në vështirësi të jashtëzakonshme, sepse paratë shkojnë për të paguar militantët partiakë.

DEKLARATA

Edi Rama ka paguar një mal me para për të punësuar në shtet me kontrata të përkohshme mbi 13 mijë persona që nga viti 2017, duke e shndërruar administratën në një degë të partisë në pushtet.

Me firmën e tij, qeveria e Edi Ramës i ka miratuar këto kontrata përmes 23 vendimeve, duke nxjerrë nga arka e shtetit rreth 55 milionë euro për punësimet elektorale.

Një ditë më parë, ne hodhëm dritë mbi punësimet elektorale në pushtetin lokal, ku për 8100 persona të punësuar shtesë nga bashkitë, janë paguar edhe 92 milionë euro të tjera në 2 vjet.

Llogaritë elektorale të Edi Ramës janë një barrë e rëndë për arkën e shtetit dhe për qytetarët e vendit më të varfër të Europës.

Janë 147 milionë euro të shpenzuara vetëm 3 vitet e fundit për mbi 21 mijë punësimet elektorale të Edi Ramës në qeverinë qendrore dhe lokale. Janë 147 milionë euro të cilat kanë shkuar për paga partiake dhe elektorale. Janë më shumë para sesa Edi Rama dha për përballimin e pandemisë me paketat e tij gjysmake.

Kryeministri në ikje e ka bërë zgjedhjen e tij. Më paratë e shqiptarëve nga taksat e rritura, ai paguan oligarkët me koncesione 120 milionë euro në vit, paguan dhe punësimet partiake, plot 147 milionë euro.

Këto janë fakte se ne nuk jemi të varfër, por jemi të vjedhur dhe kemi mbetur vend më i varfër në Europë, ku 1 në 3 shqiptarë ushqehet vetëm 1 herë në ditë.

Të mbyllen me mijëra biznese, të mungojnë tamponët për testimet antiCOVID, të mos ketë investime në shëndetësi, të nos hidhet asnjë qindarkë për mësimin online, sepse kryeministri ka zgjedhur të paguajë miliatantët partiakë dhe jo të mbështesë biznesin, është kriminale!

Edi Rama do të largohet me turp nga pushteti. Makinacionet e tij elektorale që na kushtojnë qindra milionë euro do të zhbëhen nga vota plebishitare e shqiptarëve për të zgjedhur një qeveri dhe kryeninistër normal, që punon për interesin publik."

© SYRI.net

Lexo edhe:

Komentet

Victorian 12/08/2020 13:34

Nese ky zoteria kryeminister ben te tilla shperdorime te fondeve publike, we ne fakt i ka bere, jo thjesht kaq por shume me shume se kaq, atehere vendi i tij eshte prapa hekurave. Çeshtja qe shtrohet eshte akuzat qe i behen jane per konsum politik, ne funksion te qellimeve politike-elektorale te rradhes apo eshte politike ne funksion te shtetit te se dfejtes dhe mireqeverisjes. Koha der me tani ka treguar qe kjo eshte thjesht politike dhe asgje me shume, ky qe qeveris sot do jete nje njeri i lire, mundesisht pjese e parlamentin te ardhshem dhe do gezoje parate e vjedhura shqiptareve. Sa per drejtesine vendos SPAK qe e cila eshte si te thuash vete E. Rama. Thene kete, shpresa eshte tejet e vaket, ne thjesht do vazhdojme te konsumojme politike se drejtesia do jete nje nocion i pakonceptueshem per shqiptaret.

Shto koment

Denonco