Ndarja nga jeta e Prof. Dr Jorgji Gjinarit/ Meta: Humbje e pazëvendësueshme për komunitetin e gjuhëtarëve

Ndarja nga jeta e Prof. Dr Jorgji Gjinarit/ Meta: Humbje e pazëvendësueshme për komunitetin e gjuhëtarëve

22:41, 08/08/2020
A+ Aa A-

Presidenti Meta është shprehur me një mesazh ngushëllimi për ndarjen nga jeta të gjuhëtarit dhe dialektologut të shquar Prof. Dr. Jorgji Gjinari. Meta shkruan se Gjinari do të kujtohet përherë me mirënjohje si drejtuesi I punës për një nga veprat madhore të gjuhësisë shqiptare ‘“Atlasi dialektologjik i gjuhës shqipe”.

‘Më trishtoi lajmi për ndarjen nga jeta të Prof. Dr. Jorgji Gjinari, gjuhëtar dhe dialektolog i shquar, i cili gjithë jetën ja dedikoi hulumtimit të të folmeve të gjuhës shqipe, brenda e jashtë kufijve të vendit, duke ndërmarrë një varg ekspeditash nga Jugu në Veri, po ashtu në Kosovë dhe te ngulimet arbëreshe të Italisë, me qëllim mbrojtjen dhe promovimin e gjuhës, një ndër elementët më përbashkues të shqiptarëve kudo ndodhen.

Prof. Dr. Gjinari do kujtohet përherë me mirënjohje edhe si drejtuesi i punës dhe hartuesi kryesor për një nga veprat përgjithësuese madhore të gjuhësisë shqiptare, “Atlasi dialektologjik i gjuhës shqipe”.

Ju shpreh ngushëllimet më të ndjera familjes Gjinari, bashkëpunëtorëve e kolegëve të tij, në veçanti komunitetit të gjuhëtarëve, për këtë humbje të madhe e të pazëvendësueshme! ‘

Image

 

 

 

 

© SYRI.net

Lexo edhe:

Komentet

Shto koment

Denonco