Rilindja po mbyll shkollat, ragimi i ish deputetes: Po detyrojnë shqiptarët të braktisin vendin

Rilindja po mbyll shkollat, ragimi i ish deputetes: Po detyrojnë shqiptarët të braktisin vendin

13:38, 03/08/2020

Një vendim i Drejtorisë Arsimore në Qarkun e Dibrës për të mbyllur Shkollën e Zerqanit ka sjellë edhe reagimin e ish deputetes Dhurata Çupi.

“Shkollës së Zerqanit e cila ka nxjerre me dhjetra figura të rëndësishme lokale e kombëtare, po i vihet kyçi”, shkruan ish deputetja.
“Ky veprim është i papranueshëm”. “Shkollimi i fëmijëve dhe brezave duhet të jetë përparësi dhe jo pengesë, duhet të jetë mundësi dhe jo stërmundim për prindërit dhë nxënësit”.

Ja njoftimi i plotë:

Kyçin dyert e shkollave dhe detyrojnë shqiptarët të braktisin vendin.
Prej 7 vitesh vetëm në Qarkun e Dibrës janë mbyllur rmbi 30 shkolla dhe kjo situatë nuk ka të ndalur, madje edhe me vendime të pabazuara që nuk lidhen me numrin e nxënësve.
Drejtoria Arsimore ka marrë vendimin ti vendosë drynin shkollës së Zerqanit, në të cilën mësojnë dhjetra nxënës nga cikli i ulët deri te ai i mesëm.

Shqetësimi është legjitim për prindërit dhe fëmijët pasi u është kërkuar të regjistrohen në Bulqizë, 30 minuta me makinë larg, dhe të mendosh që dimri nuk është i butë në këto zona.

Përvec kostos dhe shqetësimit për largësinë, me këtë veprim arbitrar, banorëve të kësaj zone po ju mohohet lidhja e fortë për vite me radhë që ata kanë me arsimin.
Shkollës së Zerqanit e cila ka nxjerre me dhjetra figura të rëndësishme lokale e kombëtare, po i vihet kyçi.

Ky veprim është i papranueshëm. Shkollimi i fëmijëve dhe brezave duhet të jetë përparësi dhe jo pengesë, duhet të jetë mundësi dhe jo stërmundim për prindërit dhë nxënësit.
Ju bëj thirrje autoriteteve arsimore në Dibër por edhe Ministres së Arsimit të shohin përparësitë për të mirën e nxënesve dhe jo të bëjnë të kundërtën. Fëmijët e Zerqanit e kanë shkollën e tyre, aty ku kanë studiuar prindërit e gjyshërit e tyre. Asnjë vendim i nxituar nuk mund tua mohojë këtë mundësi.

Image

© SYRI.net

Lexo edhe:

Komentet

Shto koment

Denonco