Bardh Spahia: A ka rezervë tamponësh zonja ministre?

Bardh Spahia: A ka rezervë tamponësh zonja ministre?

12:04, 05/07/2020
A+ Aa A-

Ish-deputeti i PD-së, Bardh Spahia shkruan në faqen e tij në Facebook, se një pacient shkodran kërkon të testohet për koronavirus, por i thotë se nuk ka tamponë.

Spahia shkruan se ky nuk është rast i izoluar, pasi shumë pacientë marrin këtë përgjigje kur telefonojnë numrin 127.

Reagimi i plotë i Bardh Spahisë:

Sipas një denoncimi që vjen nga Spitali i Shkodrës, një pacient me shenja klinike kërkon të testohet, por i thuhet se nuk ka tamponë!!! Raste të ngjashme janë denoncuar edhe nga ata që kontaktojnë numrin e urgjencës dhe u mohohet testimi edhe pse me shenja të qarta klinike, e të mendosh që:

Italia fqinje bën 50 mijë teste në ditë. Vetëm në Shqipëri testet janë instrumenti më pak i përdorur, edhe pse kemi një situatë të dalë jashtë kontrollit tashmë, si në qendrat spitalore ashtu edhe në institucionet publike.

Është jetike për të gjithë që të shtohet kujdesi! Ama shteti duhet të bëjë detyrën e tij, të kryejë sa më shumë testime, e sidomos t’u përgjigjet personelit shëndetësor e qytetarëve, që kanë nevojë për tamponë!

Nuk kontrollohet situata me shfaqje prej polici nëpër biznese, zonja ministre e shëndetësisë!!! Atë punë e bëjnë fare mirë strukturat e ngarkuara me ligj e vartësit tuaj! Detyra juaj parësore është këputja e zinxhirit të infektimit në qendrat spitalore, ç’ka nuk po e bëni!!!

Është skandaloze në këtë situatë, kur shifrat e të infektuarve e viktimave janë në rritje, të thuhet se nuk ka tamponë!!! Ky quhet dështim për të siguruar jetët e qytetarëve zonja ministre dhe nuk e mbuloni dot duke luajtur policësh!

Është papërgjegjshmëri të mos bësh punën për të cilën paguhesh, sidomos kur situata të ka dalë jashtë kontrollit!!!

© SYRI.net

Lexo edhe:

Komentet

Shto koment

Denonco