Gjatë intervistës së tij për "Zonë e Lirë", kryetari i PD, Lulzim Basha akuzoi kryeministrin Edi Rama si një njeri që hedh gurin dhe fsheh dorën.

Sipas kreut të selisë blu, shefi i qeverisë është pas ndryshimeve kushtetuese, ndërsa tregoi sipas tij edhe si i bleu deputetët.

"Në Shqipëri problem nuk është sistemi apo siç e thotë ajo fabula e Skënderbeut, “nuk është shpata tha, nuk është kordha, është krahu”. Problemi nuk është sistemi. Çdo sistem bie prè-e ka treguar që ka rënë prè- e sëmundjeve të demokracisë shqiptare, të cilat, nën këtë qeverisje kanë arritur nivele që e kanë sjellë demokracinë në koma, që është blerja e votës, është bashkëpunimi me krimin, është kërcënimi i votuesve, është cënimi i sekretit të votës, tw gjitha këto që ka parashtruar OSBE OHDIR-i. Tani  çfarë është kjo përpjekja për të diskutuar lista të hapura, koalicione? Eshtë ajo që në anglisht quhet “shifting the discussion”, “të ndryshojmë temën e diskutimit”, të mos flasim për atë që na dhemb, për atë që foli Parlamenti Europian para një jave që thaçfarë po bëhet me dosjet hetimore të Dibrës dhe të Shijakut të 216-ës dhe të zgjedhjeve të 2017-ës”. Të mos flasim për presionin që u bëhet votuesve, të mos flasim për shit-blerjen e votës, por të flasim për diçka komplet tjetër. Pra është thjesht dhe vetëm një truk propagandistik. Natyrisht, Edi Rama do të bëjë gjithçka  për pushtetin e tij", tha Basha.

Pjesë nga diskutimi në emision:

Pyetje: Propozimi nuk ka ardhur nga  ai, ka ardhur nga Murrizi.

Lulzim Basha: Dua të them diçka qw më duket mua e bukur. Kur Italia fashiste  pushtoi Shqipërinë, u kujdes që të paktën nga ana formale, gjërat të ishin në rregull dhe mblodhi një grup kolaboracionistësh që i çuan kurorën e Skënderbeut, kurorën e mbretërisë shqiptare Viktor Emanuelit, i cili pastaj u deklarua mbret i Italisë, mbret i Shqipërisë dhe perandor i Abisinisë. Pra, këtu kemi të njëjtin koktej surrogatësh, njerëz  të cilët kanë nënshkruar lënien e mandatëve. I kanë nënshkruar, nuk e kemi thënë shpesh këtë.

Pyetje: Të gjithë deputetët e opozitës parlamentare e kanë nënshkruar?

Lukzim Basha: Me dy ose tre përjashtime, të gjithë kanë nënshkruar lënien e mandatit.

Pyetje: Po ju i keni firmat?
Basha: Po sigurisht. Janë depozituar, janë bërë publike

Pyetje: Po si ka mundësi?

Basha: E kemi thënë , por s’e kemi thënë shpesh. Dhe pas kësaj ka ndodhur magjira të mëdha. Dikujt i janë falur borxhe kazinosh, dikush ka marrë leje ndërtimi, dikush ka marrë lekw të thatë në dorë, dikujt i janë premtuar favore, nxjerrje vëllait nga burgu apo mosfutje të vëllait në burg dhe gjëra të tilla. Dhe këta përbëjnë njw masë të madhe, se nuk po them të gjithë. Këta janë ata që ju i thoni opozita parlamentare. Dhe këta tani që duhet të ishin më të interesuarit për koalicione, sepse ata s’kanë parti fare- edhe po të bëjnë parti, do të jetë parti shumë e re, - interesi I tyre duhet të ishte koalicioni, këta na dalin dhe na thonë “duhet të kemi prag 5% dhe s'duhet të kemi koalicione”. 

Këta s'janë asgjë. Wshtë Edi Rama, i cili nuk guxon, si gjithmonë hedh gurin dhe fsheh doren dhe e ben këtë për një arsye të vetme se është i tmerruar nga zgjedhjet e ardhshme. Të njëjtën gjë bëri në fillim të reformës zgjedhore kur donte të hiqte komisionerët e opozitës. Imagjinoni tani një njeri që kontrollon qeverinë, parlamentin, re gjitha bashkite me perjashtim tw kryetares së bashkisë Shkodër, sepse kanë kapur drejtësinë, prokurorinë, shërbimin informativ, policinë, drogën, trafikantët, oligarkët, krimin, buxhetin, tenderat, PPP, koncesionet. Është i tmerruar sa donte t'i hiqte opozitës të vetmen gjë që opozita ka prej vitit 2003 që është barazia në komisionin zgjedhor.