Në një intervistë përmes Skype për "Tempora" në Ora News, ish-kryeministri Sali Berisha hodhi akuza të rënda kundrejt qeverisë, duke thënë se po manipulon numrin e vdekjeve dhe infektimeve nga Covid-19.

Sipas Berishës, këto manipulime janë më të rënda se sa ato që aludon media për Serbinë.

"Kam dëgjuar media që ka manipulime të të vdekurve në Serbi, por siguroj publikun se në Shqipëri janë më të mëdha këto manipulime. Sado që u manipuluan shifrat kanë qenë shumë më të larta, si në vdekje, si në infektimeve, duke kufizuar testet. 

A i keni dëgjuar komunikatat e tyre thonë që ishte me Covid dhe vdiqën nga një sëmundje tjetër. Por nëse nuk i shtyn Covidi ata mund të jetojnë me vite. Tani nuk çel gojën ai që thoshte se do na grijë si mish qeni dhe do të kishte 18 mijë të vdekur. Sot situata është jashtë kontrollit", u shpreh Berisha. 

Aktualisht, sipas shifrave zyrtare, Shqipëria numëron 2,535 raste infektimesh dhe 63 viktima si pasojë e Koronavirusit.