Kryetari i PD-së, Lulzim Basha, i ka bërë thirrje operatorëve turistikë në vend, që janë goditur rëndë nga kriza e COVID-19, që të bëhen bashkë dhe të kërkojnë mbështetje nga qeveria, të kërkojnë drejtësi, jo lëmoshë, siç theksoi Basha “ një trajtim të paktën sa ç’e kanë operatorët në Malin e Zi e Maqedoni”.
Basha ishte sot në Lezhë dhe në Shëngjin, prej nga shprehu solidaritetin e tij total me operatorët turistikë: “Unë i kam takuar përfaqësuesit e tyre në Tiranë, - tha ai. - Ne e dimë se kështu nuk ndihmohet turizmi, por i jepet një goditje dërrmuese ekonomisë, e cila ndodhet në një krizë të thellë ndaj është e domosdoshme të kemi një ndryshim të thellë përsa i përket përqasjes ndaj ekonomisë në tërësi dhe turizmit në veçanti.
Koha është e bukur, por realiteti është i trishtë. Ky është realiteti, pa zbukurime, pa propaganda, pa regji qëndrore.
Ky është një dështim i paprecedentë, është një braktisje kriminale që i bëhet ekonomisë.
Është një mësim I madh jo vetëm për qeverinë që do të vijë por për këdo tjetër që do të vijë.
Për turizmin, PD parashikon në planin e saj ekonomik një mbështetje të shumanshme. Por ne e dimë që kjo situatë nuk do të ndryshojë brenda javës. Ndaj thirrja ime ndaj të gjithë operatorëve turistikë është të bëhen bashkë dhe të kërkojnë të drejtën e tyre.
Keni 20 vjet, 30 vjet që paguani taksa dhe është koha të kërkoni drejtësi. Jo lëmoshë, drejtësi, një trajtim të paktën sa ç’e kanë operatorët e Malit të Zi, të Maqedonisë, nuk po them të Greqisë. “
© SYRI.net
Bravo Z.Basha, keni shume te drejte ne ato qe thoni, ekonomia vertet qe ka pesuar renie te ndjeshme, e cila e ka lodhur shume biznesin, sidomos ate ne fushen e turizmit. Dhe ju jeni shume i vemendeshem ne ato qe thoni se bregdeti i shengjinit eshte nje nga plazhet me te bukura te bregdetit shqiptar, tamam sic thoni ju qe ka lezet syri kur e shikon, por, por Z.Basha, ajo pamje nuk eshte thjesht dukuri natyrore (sic llomotisni ju), plasi syte e ndergjegjesohu me pare, eshte paster, e kupton cdo te thote paster, do te thote qe e ka pastruar dikush, ka vendosur rregull dikush sepse nuk ikin plehrat nga natyra, nuk i merr era, por ato i heqim ne, punonjesit e bashkise. Per te ardhur keq ne fakt sepse ke qene edhe kryetar bashkie dikur, me letra, se me pune nuk ke pasur haber fare se me cfare merret Bashkia.