Ministria e Shëndetësisë njofton në faqen e saj zyrtare se  ka aprovuar sot një protokoll për Vlerësimin e Fëmijëve me Zhvillim gjenital Atipik, i njohur ndryshe si interseks, duke u bashkuar kështu me një listë të gjatë të vendeve të tjera që kanë miratuar një protokoll të ngjashëm.

Përpara kësaj, prindërve u lejohej që të vendosnin nëse do të ndërhyhej tek fëmija për të caktuar seksin. Tani, kjo është e ndaluar dhe ndërhyrja kirurgjikale mund të ndodhë vetëm nëse vlerësohet e nevojshme për arsye të domosdoshme shëndetësore.

Anisa Metalla, avokate pranë Shoqatës për Ndihmë Ligjore në Tiranë (TLAS), një organizatë që ka punuar me persona interseks në vend, është përfshirë në realizimin e këtij protokolli. Ajo tha se është një hap shumë i mirë dhe i nevojshëm për përmirësimin e shëndetit të fëmijëve, raporton exit.

“Sipas protokollit, ndërhyrjet kirurgjikale do të bëhen vetëm në rastet kur kërkohet dhe të gjitha ndërhyrjet duhet të bëhen sipas protokollit dhe jo si vendosin prindërit. Në rastet kur prindërit nuk veprojnë sipas udhëzimit të mjekut, ekziston një proces i rreptë kur një grup multidisiplinor mblidhet për të informuar prindin. Është gjithashtu e detyrueshme të telefononi Njësinë për Mbrojtjen e Fëmijëve që është një strukturë e veçantë për të përcaktuar një plan mbrojtjeje për fëmijët kur ekzistojnë rreziqe për ta”, deklarpo ajo.

Legjislacioni i ri do t’i japë mbrojtjen e nevojshme fëmijëve interseks të cilët më parë janë nënshtruar ndërhyrjeve kirurgjike të panevojshme dhe të pakthyeshme. Ai gjithashtu i jep fëmijës autonomi mbi trupin e tyre dhe aftësinë për të marrë pjesë në vendime që ndikojnë në identitetin e trupit të tyre.

Termi “interseks” përdoret për të përshkruar një situatë kur një person lind me anatomi riprodhuese ose seksuale që nuk mund të kategorizohet si “femër” ose “mashkull”. Tradicionalisht, kur kjo ndodh, mjekët kryejnë ndërhyrje mbi foshnjën për t’i bërë ata të përshtaten me seksin “femër” ose “mashkull”. Kjo mund të rezultojë në probleme të konsiderueshme mendore dhe fizike ndërsa fëmija rritet, dhe është i panevojshëm nga ana mjekësore.

Të qenit interseks është një variacion që ndodh natyrshëm dhe nuk është problem mjekësor. Kirurgjitë dhe terapia hormonale janë të panevojshme.

Rreth 1.7% e të gjithë foshnjeve lindin si interseks duke e bërë atë po aq të zakonshme sa lindja me flokë të kuq.