‘Ushtrimi më i madh demokratik në Shqipëri’.

Kryevlerësuesi i kandidatëve konservatorë në Britani, David Jones vlerëson procesin e PD për zgjedhjen e kandidatëve nga anëtarësia.

Demokratizimi i mënyrës së përzgjedhjes së kandidatëve nga Partia Demokratike, me përfshirjen e anëtarësisë së saj, është mirëpritur dhe përshëndetur nga të gjithë partnerët që ndihmuan në realizimin e procesit. Shefi i Panelit të Përzgjedhjes së Kandidatëve në Partinë Konservatore në pushtet në Britaninë e Madhe, David Jones ishte entuziast për efektet e vendimit të marrë nga PD.

‘Urimet më të mira për Partinë Demokratike të Shqipërisë në ushtrimin më të madh demokratik që është bërë ndonjëherë në Shqipëri për mënyrën sesi zgjidhen kandidatët. Jam shumë i kënaqur që pata një rol bashkë me Partinë Konservatore dhe mbështetjen e Institutit Ndërkombëtar Republikan me Thibault Muzergues’- shprehet kreu i strukturës përgjegjëse për zgjedhjen e kandidatëve konservatorë britanikë.

Thibault Muzergues, të cilit ai i referohet, është Drejtori i Programit për Europën pranë Institutit Republikan Amerikan të Partisë Republikane në SHBA. Me qendrimin një ditë më parë, ata e vlerësuan procesin e nisur nga Kryetari Basha dhe PD si një hap të madh e të guximshëm

 ‘PD po tregon lidership në përzgjedhjen e kandidatëve si dhe një model për Shqipërinë dhe tërë rajonin.’- u shpreh përfaqësuesi i republikanëve amerikanë.

Një vlerësim po kaq pozitiv bëri edhe Fondacioni Ëestminster i konservatorëve britanikë, duke theksuar se procesi i nisur nga PD është jetik për demokracinë dhe një model për rajonin.

 ‘Ngritja nga PD e një Komision për Përzgjedhjen e Kandidatëve, të frymëzuar nga modeli i Partisë Konservatore, është një hap shumë i rëndësishëm për të siguruar që zgjedhja e kandidatëve të jetë transparente, konkuruese dhe meritokratike. ?

Jemi krenarë që kemi frymëzuar dhe mbështetur këtë iniciativë. Ky zhvillim është jetik për demokracinë në Shqipëri. Është nisma e parë e këtij lloji dhe hap  rrugën për partitë e tjera në rajon që të ndjekin këtë model.’- thuhet në reagimin e Fondacionit Westminster të Partisë Konservatore në pushtet në Britaninë e Madhe.